Мазкур жорий коэффициентнинг миқдори 2:1 нисбатда бўлса, одатда, у етарли ҳисобланади. Бу, жорий мажбуриятларнинг ҳар бир сўмига жорий активларнинг 2 суми тўғри келишини англатади.
Жорий ликвидлик коэффициентини аниқлаш учун, таъкидланганидек, жорий активларни жорий мажбуриятларга бўлиш лозим. “Турон” кўптормоқли хусусий корхонанинг баланс ҳисоботи бўйича мазкур коэффициентнинг миқдори қуйидагича бўлди:
Ушбу таҳлил натижасидан кўриниб турибдики, корхонанинг ликвидлик коэффициенти ижобий ҳолатда, чунки ҳар бир сўм тўланиши лозим бўлган мажбуричтларга 1 сўм 34 тийиндан жорий активлар тўғри келмоқда. Аммо бу умумий ўрнатилган меъёрга нисбатан камроқ.
Фирма ва компаниялар ликвидлигини ифодаловчи навбатдаги кўрсаткич тез ликвидлик коэффициентидир. Бизнес ҳаётида шундай ҳолатлар ҳам бўладики, айрим мажбуриятларни тез бажариш, яъни зудлик билан тўлаш лозим бўлади. Аммо жорий мажбуриятлар билан уни амалга ошириб бўлмайди. Бу ҳолат ликвид активларнинг сустроқ пулга айланиши билан боғлиқдир. Масалан, пул маблағи бўлса хоҳлаган вақтингизда тўлашингиз мумкин, аммо у товар-моддий захиралардан иборат бўлса, ёки жорий активлар таркибида олдиндан тўланган активлар ўз ифодасини топган бўлса, ТМЗни олдин сотиш керак кейин тўлаш мумкин, бироқ олдиндан тўлаб қўйилган харажатларни қайтариб бўлмайди. Шу туфайли, тез ликвидлик коэффициентини аниқлашдан олдин тез ликвид бўладиган маблағларни (активларни) аниқлаб олиш лозимдир. Бунинг учун қуйидаги амалларни бажариш лозим бўлади:
Do'stlaringiz bilan baham: |
