1 O‘zbekiston respublikasi oliy va o‘rta maxsus ta’lim vazirligi

Foydalanilgan adabiyotlar ro‘yxati: 

---

-199- 
1. Fitrat A. Tanlangan asarlar I jild – T.: “Ma’naviyat”, 2000 
2. Fitrat A. Tanlangan asarlar III jild – T.: “Ma’naviyat”, 2003 
3. Hisao Komatsu. Uch jadidchi va oʻzgargan dunyo (Turk tilidan Bahodir 
Nurmuhammad tarjimasi) // “Jahon adabiyoti”, 2017. – №4.
4. Saidov A. Buxoro. // Sho‘ro. – 1909. – 5 son. 
5. “Oʻzbekiston adabiyoti va sanʼati”ning 1996-yil 9-may soni. 
 
G‘ulomova Mohichehra G‘aniyevna 
Kogon tumani 21-IDUM o‘qituvchisi 
YUKSAK MA’NAVIYATLI YOSH AVLOD – “UCHINCHI RENESSANS” 
BUNYODKORI 
Annotatsiya: Ushbu maqolada Uchinchi Renessansnining mustahkam 
poydevorini yaratishda yuksak ma’naviyatli yosh avlodning o‘rni va roli bayon 
qilingan. Uchinchi Renessans g‘oyasini hayotga tadbiq etishda yuksak intellektual 
salohiyat egalari bo‘lgan yoshlarning ishtirokiga oid aniq misollar keltirilgan.
Kalit so‘zlar: Uchinchi Renessans, yuksak ma’naviyat, intellektual salohiyat, 
yosh avlod, ta’lim, tarbiya 
Bugungi kunda “Yangi O‘zbekiston” da keng qamrovli bunyodkorlik ishlari 
amalga oshirilmoqda. Ayniqsa, Uchinchi Renessansning mustahkam poydevorini 
yaratish borasida ulkan ishlar amalga oshirilmoqda. O‘zbekiston Respublikasi 
Prezidenti Shavkat Mirziyoyev ta’kidlaganidek: “Xalqimizning ulug‘vor qudrati jo‘sh 
urgan hozirgi zamonda O‘zbekistonda yangi bir uyg‘onish – Uchinchi Renessans 
davriga poydevor yaratilmoqda, desak, ayni haqiqat bo‘ladi[1.1]”. Uchinchi 
Renessansning mustahkam poydevorini yaratishda xalqimizning jipsligi, birdamligi 
va fidoiyligi muhim rol o‘ynaydi. Yuksak ma’naviyatli avlod – Uchinchi Renescans 
bunyodkori sifatida faollik ko‘rsatishi ham bu boradagi yutuqlarimizni ta’minlashga 
xizmat qiladi.

---

-200- 
Uchinchi Renessans g‘oyasini, avvalo, jamiyatimiz chuqur anglab olmog‘i 
kerak. Har jabhada, sohada qiladigan ishlarimiz, rejayu istiqbol dasturlarimiz, ta’lim-
tarbiya va kadrlar siyosati, investitsion siyosat – barchasi unga sharoit va muhit 
yaratishga qaratilmog‘i lozim. 
Biz chuqur anglab yetamizki yuksak ma’naviyatli avlodgina Uchinchi 
Renessansning bunyodkori bo‘la oladi. Buning uchun ularning ongi va qalbiga 
“Renessans” tushunchasining mazmun-mohiyatini va Uchinchi Renessans milliy 
g‘oyaga aylanishi zarurligini hamda yoshlarda mafkuraviy immunitetni tarbiyalashga 
xizmat qilishini singdirib borishimiz zarur.
XVI asrning 30-40 yillarida bizda an’anaviy jamiyat uzil-kesil qaror topdi. 
Ilmiy, badiiy izlanishlarga ijtimoiy ehtiyoj pasayib ketdi. O‘tmish yutuqlari oldida 
qulluq qilish, ularni ideallashtirish va faqat takrorlashga urinish, yangiliklarga salbiy 
munosabat shakllandi. Asta-sekin chuqur turg‘unlik va inqiroz boshlandi. Ular 
noxush ijtimoiy-iqtisodiy, siyosiy, diniy-mafkuraviy, regional nizolar va ayirmachilik 
kabi sabablar bilan qo‘shilib qoloq bo‘lib qolishimizga, XIX asr ikkinchi yarmida 
milliy mustaqilligimizni yo‘qotishga olib keldi. O‘tmishdan birinchi bo‘lib teran 
tarixiy xulosa chiqargan — jadid bobolarimiz edi. Ular taklif qilgan islohotlar 
millatni qayta uyg‘otish, taraqqiyot tomon burishni ko‘zladi. Ammo mustabid 
hokimiyat jadidlar harakatini avj olmasdan bo‘g‘ib qo‘ydi. 
Mustaqillikka erishgandan keyin dastlab chorak asr davomida milliy tiklanish 
bilan shug‘ullanishga to‘g‘ri keldi. Endilikda milliy tiklanishdan milliy yuksalishga 
o‘tganimizdan keyin, uchinchi Renessansga erishishni davlat rahbari strategik vazifa 
etib qo‘ydi. Haqiqatan tarixan olganda biz ikki Renessansni boshdan kechirdik: 
birinchisi IX-XII asrlar, ikkinchisi XIV-XVI asr. Birinchi Renessansda yurtimizdan 
Farg‘oniy, Xorazmiy, Forobiy, Beruniy, Ibn Sino, Yusuf Xos Hojib, Mahmud 
Qoshg‘ariy, Mahmud Zamaxshariy kabi buyuk daholar, buyuk muhaddislar – 
Buxoriy, Termiziy, mutakallimlar – Moturidiy va Abul Muin Nasafiy hamda boshqa 
atoqli dunyoviy va diniy allomalar shuuri olamni yoritdi. 

---