1-savol. Siydik chiqaruv va jinsiy a’zolar tizimi

10- savol. Erlik olati — penis
Erlik olati — penis, yorg'oq bilan birgalikda erkaklarning tashqi jinsiy a’zolarini hosil etadi. Erlik olati ildizi radix penis qov suyagiga birikadi va oldingi sohada erkin holda boshchasi — glans penis bilan yakunlanadi. Boshcha va ildiz sohalari orasida olat tanasi — corpus penis joylashadi. Erlik olatining ildiz sohasida oyoqchalari crus penis bo'ladi. Ustki yuzasi dorsum penis deyiladi. Boshchaning o'rtasida siydik chiqaruv kanalining teshigi — ostium uretrae externum joylashgan. Siydik chiqaruv kanalining yuzasi — facies urethralis deyiladi. Boshchaning dorzal va lateral yuzalarida bo'rtib chiqqan qirra — corona glandis joylashadi. Tashqi yuzasini o'rab olgan teri qavati boshcha sohasida erkin holda joylashib — preputium deyiladi va yugancha - frenilium preputii vositasida g'ovak tana bilan birlashadi. Terining ichki yuzasida esa bezlar glanlulae preputiales joylashadi. Erlik olatining boshchasi glans penis da boshcha toji — corona glandis, bo'yni — collum glandis va boshcha to'sig'i — septum glandis bo'ladi. Erlik olatini hosil qilishda uchta g'ovak tana ishtirok etadi: juft holdagi corpus cavernosum penis, toq va o'rtada joylashgan corpus spongiosum penis. G'ovak tanalar silliq mushak va elastik fibroz tolalardan vujudga kelib, endoteliy hujavralari bilan to'lib turadi. Corpus spongiosum penis — g'ovakli tana erlik olatining piyozchasi — bulbus penus ni hosil etadi. Juft holdagi g'ovak tanalar oqsil parda — tunisa albuginea corporum cavernosum bilan qoplanib, bu parda g'ovak tanalar orasida septum penis to'sig'ini hosil qiladi. Toq holdagi g'ovak tana — corpus spongiosum penis ham tashqi tarafdan oqsil parda — tunisa albuginea corporis spongiosi bilan qoplangan bo'lib, tananing o'rtasida siydik chiqaruv kanali joylashadi. G'ovakli tana bo'shliqlarining devori to'siqlardan hosil bo'lib trabeculae corporum cavernosorum va trabeculae corporis spongiosi deb ataladi. To'siqlar orasidagi g'ovaklarga cavernae corporum cavernourum va cavernae corporis spongiosi deyiladi. Uchta g'ovak tana umumiy fassiya — fascia penis bilan o'ralgan bo'ladi. Uning tashqi yuzasida esa teri osti kletchatkasi joylashadi. G'ovak tanalar ichidagi bo'shliqlar qon bilan to'lishi natijasida erlik olatining hajmi o'zgaradi.