1 shavkat zokirov

 
O’zbekistan-Koreya Respublikasi munosabatlari. 
Koreya Respublikasi 1991 yil 30 dekabrda Osiyo-Tinch okeani mintaqasi 
davlatlari orasida birinchi bo'lib, O'zbekiston mustaqilligini tan oldi. O'zbekiston bilan 
Koreya Respublikasi o'rtasida diplomatik munosabatlar o'rnatilganidan keyin siyosiy, 
iqtisodiy va madaniy sohalarda keng hamkorlik aloqalari yo'lga qo'yildi. Koreya 
Respublikasining O'zbekistondagi elchixonasi 1994 yilda Toshkentda ochilgan bo'lsa, 
O'zbekiston Respublikasining Koreya Respublikasidagi elchixonasi 1996 yilda Seulda 
ochildi. Mamlakatimiz rahbari I.A.Karimovning 1992, 1995, 1999 yillarda Koreya 
Respublikasiga va Koreya prezidentining 1994 yilda O'zbekistonga rasmiy tashriflari 
chog'ida imzolangan hujjatlar o'zaro hamkorlikning huquqiy poy-devorini yaratdi. 
1999 yilda o'zaro tovar aylanmasi hajmi salkam 526,8 mln. AQSH dollariga yetdi. 
Koreya Respublikasi O'zbekistondan paxta tolasi, ip gazlama, kalava ip, elektr asbob-
uskuna, xom teri, ipak, kimyo-viy o'g'it olib, O'zbekistonga transport vositalari, elektr 
va mexanik jihozlar, qora metall, kauchuk va rezina mahsulotlari, bo'yoqlar, turli xil 
asbob-uskunalar, to'qimachilik mahsulotlari yuboradi. 
O'zbekistonda koreys sarmoyasi ishtirokidagi 80 ga yaqin korxona bo'lib, ular 
transport, elektronika, telekommunikatsiya, aloqa, to'qimachilik kabi sohalarga 
mansub. «O'zDEU avto», «O'zDEUelektroniks», «Kabul-O'zbek kompani LTD», 
«O'zSamsungelektroniks» kabi qo'shma korxonalar, shular jumlasidan. Ular 

---

131 
avtomobil, xalq iste'moli mollari, radioelektron mahsulotlar ishlab chiqarish bilan 
shug'ullanadi. To'ytepa va Toshkentning «Ko'kcha» dahasida kurilgan to'qiimachilik 
korxonalari mahsulotlari chetga eksport qilinayotir. Farg'ona va Namangan 
shaharlarida ham shunday korxonalar barpo etiladi. SHuningdek, Koreya 
Respublikasining 19 ta kompaniyasi O'zbekistonda o'z vakolatxonasini ochgan. 1994 
yildan buyon iqtisodiy hamkorlik va savdo-sotiq, masalalari bo'yicha O'zbekiston-
Koreya va Koreya-O'zbekiston qo'shma qo'mitasi ishlab kelayotir. O'zbekistan Tashqi 
iqtisodiy faoliyat Milliy banki Koreya Respublikasining 10 ta banki bilan vakillik 
munosabatlari o'rnatgan. Koreya Xalqaro xamkorlik agentligi (KOICA) bir necha 
yillar davomida respublika vazirliklari va idoralari bilan yaqindan ish olib bormokda. 
SHu tashkilot orqali o'zbek yigit-qizlari muntazam ravishda Koreya Respublikasida 
malaka oshirayotir. Toshkent Iqtisodiyot universitetida va Moliya instituti huzuridagi 
litseyda kompyuter sinflari tashkil etilgan. O'zbekistondagi boshqa litsey va 
kollejlarni o'quv asbob-uskunalari bilan jihozlash loyihasi amalga oshirilayotir. 
Koreya Respublikasi Maorif vazirligining 1992 yil maydan beri ishlayotgan 
Toshkentdagi koreys ta'lim markazida oliy o'quv yurtlari muallimlari va talabalari 
uchun tanlov asosida malaka oshirish yo'lga qo'yilgan. 1993 yil martida Toshkent 
SHarqshunoslik institutida koreyashunoslik fakulteti ochilgan. O'zbekistan Jahon 
tillari universitetida «Koreys tili markazi», Samarqand Davlat chet tillari institutida 
«Koreys tili va madaniyati markazi» ishlaydi. Koreya Respublikasining 
O'zbekistondagi elchixonasi bu markazlarni eng yangi adabiyot, video hamda audio 
kassetalar bilan jihozladi. 
Ikki mamlakat o'rtasida madaniy aloqalar tobora kengayib borayotir. O'zbek 
madaniyat va san'at arboblarining Koreya Respublikasida o'z mahoratlarini namoyish 
etishi, O'zbekistonda koreys madaniyati haftaliklarini o'tkazish odat tusiga kirib qoldi. 
1998 va 1999 yillardagi ana shunday haftalik doirasida Toshkentda koreys kitoblari 
va fotosuratlari ko'rgazmasi uyushtirildi. Sport turlari va koreys an'anaviy o'yinlari 

---

132 
namoyish etildi. Kinofilmlar ko'rsatildi, nihoyat Alisher Navoiy nomidagi teatrda 
mashhur koreys ashula va raqs ansambllari katta kontsert berishdi 
2005 yil 10 may kuni ikki kunlik rasmiy tashrif bilan Koreya Respublikasi 
Prezidenti No My Xyon O'zbekistan Respublikasiga keldi. YUksak martabali 
mehmon No My Xyon va mamlakatimiz rahbari I.A.Karimov ikki mamlakat 
o'rtasidagi barcha sohalarda amalga oshirilayotgan do'stona aloqalarni mustahkam 
rivojlantirish, ikki mamlakat ishbilarmonlari va tadbirkorlari uchun yanada keng 
imkoniyatlar yaratish, ilm-fan, ta'lim, sog'liqni saqlash kabi ijtimoiy masalalarda 
hamkorlik qilish yuzasidan suhbatlashdilar. Mehmon mamlakatimizning osori-
atiqalari bilan tanishar ekan, dunyoga mashhur Samarqand shahri va uning tarixiy 
obidalarini ko'rib, hayratini yashira olmadi hamda mamlakatimizning yuksak 
ma'naviyat, madaniyat, tarixga ega ekaniga yana bir bor amin bo'lganini, bunday 
xalqning kelajagi ham buyuk bo'lishiga ishonchi komil ekanini qayta-qayta ta'kidladi. 
O'zbekistan Respublikasi Prezidenti I.A.Karimov Oqsaroy qarorgohida Koreya 
Respublikasi ishbilarmon doiralarining vakillarini qabul qiildi. Erishilgan yutukdarda 
to'xtab qolmasdan, hamkorlikni yanada kengaytirish va rivojlantirish har ikki davlat 
uchun xam foydali ekanligini ta'kidladi va Koreya ishbilarmonlari hamkorligimizni 
yanada mustahkamlashga chaqirdi.