1. ЎЗбекистон республикаси олий ва ўрта махсус таълим вазирлиги

Эстетик тарбия – ўқувчиларда санъатга, табиатга, ҳаѐтга нисбатан 
эстетик муносабатларини шакллантиришдан иборатдир. Эстетика лотинча 
«Esteticos» – ҳис этаман деган маънони билдиради. Ақлий, ахлоқий, меҳнат, 
жисмоний ва бошқа тарбияларни эстетик ҳис-туйғусиз тасаввур этиб бўлмайди. 
Эстетик тарбиянинг мақсади ўқувчиларни табиат, жамият ва 
санъатдаги гўзалликларини идрок этиш, уни тўғри тушуниб етиш, қадрига 
етишга, ҳаѐтга қайта гўзаллик олиб кира олишга ўргатишдан иборатдир. 

---

100 
Мактабда тасвирий санъат, мусиқа, адабиѐт, табиатшунослик дарслари 
эстетик тарбиянинг асосий воситалари ҳисобланади. 
Биз нафақат нарса ва ҳодисалар, балки инсоннинг ҳулқ-атвори, 
фазилатларини ҳам эстетик жиҳатдан баҳолашимиз мумкин. У инсоний 
гўзаллик, ақл, бурч, иймон, инсоф, камтарлик, латофат, лафз, меҳмондўстлик, 
меҳр, мулойимлик, поклик, яхшилик ва ҳоказо сифатларни ўзида намоѐн 
қилади. 
Эстетик 
тарбия 
гўзалликдан 
завқлаланишга, 
хунукликдан 
нафратланишига, кулгиликдан кулишга, фожеаликдан истиробга тушишга 
ўргатади. Бу ҳолатларни киши ҳаѐт ва санъат воқеликларда учратиш мумкин. 
Мухокама учун саволлар: 
1.Меҳнат таълими дарси жараѐнида бериладиган тарбиянинг аҳамиятини 
изохланг. 
2.Меҳнат, ахлоқий, иқтисодий, экалогик ва эстетик тарбиянинг мохиятини 
тушунтиринг. 
Хулоса
Меҳнат таълими бўйича ўтилаѐтган дарс жараѐнида ўқувчиларни замон 
талаблари асосида тарбиялаш муҳим аҳамиятга эга. Жумладан ўқув 
устахонасида ўқувчилар томонидан амалий иш жараѐнида тайѐрланадиган 
буюмлар сифатли ва эстетик дид билан бажарилиши лозим. Ушбу буюмни 
бажариш жараѐнида ўқувчиларга меҳнат, иқтисодий, эстетик ва бошқа 
тарбиялар берилади. Ўқувчи ўз меҳнати давомида меҳнат тарбияси олади. 
Аҳлоқий тушунчага эга бўлади, тежамкорликка ўрганади, буюмни экалогик 
жихатдан тоза бўлишини ва ушбу буюмга дизайн беришни ўрганади. Натижада 
тайѐрланган буюм талаб даражасида ва бозоргир холатига келади.