1. ЎЗбекистон республикаси олий ва ўрта махсус таълим вазирлиги

Ахлоқий тарбия – бу ўқувчиларда жамиятга, Она-юртига, меҳнатга, 
бошқаларга ва ўз-ўзига нисбатан ахлоқий муносабатларни шакллантириш 
жараѐнидир. 
Ахлоқ - ижтимоий онг шаклларидан бири бўлиб, инсонларнинг 
жамиятга, бошқаларга ва ўз-ўзига бўлган муносабатларини тартибга солиб 
турувчи ҳулқ-одоб меъѐрлари, қонун-қоидалари мажмуасидир. Ана шу ҳулқ-
одоб қонун-қоидаларини ўқувчилар онги, ҳаѐти, турмуш тарзига сингдириш 
учун кўрсатилаѐтган таъсир ахлоқий тарбия дейилади. 
Мусулмон ахлоқининг асослари мазмунан бой ва ранг-баранг 
кўринишларда ўзлигини намоѐн этади. Марказий Осиѐ ҳалқлари 
ахлоқшунослик соҳасида энг бой тажрибага эгадирлар. Қуръони каримда ва 
Ҳадису шарифлардаги ахлоққа оид ибратли маслаҳатлар, ота-боболаримиз 
яратган маънавий мерослар, мутафаккирларимизнинг ахлоқ ҳақидаги 
фикрлари бугунга қадар ҳам ўз қадр-қимматини йўқотгани йўқ. Ахлоқий 
тарбия энг муҳим инсоний фазилатларни шакллантириш воситасидир. 
Иқтисодий тарбия – бу ўқувчиларда иқтисодий тафаккур ва маданиятни 
шакллантиришга қаратилган жараѐндир. Бозор иқтисодиѐтига ўтаѐтган бир 
пайтда ѐшларда иқтисодий тафаккурни тарбиялаш муҳим аҳамиятга эгадир. 
Ўқувчиларда 
иқтисодий 
тарбия 
тежамкорлик, 
меҳнатсеварлик, 
ташаббускорлик, ишбилармонлик, иқтисодий ҳисоб-китоб ва айни шу кабилар 
ҳақида фикрлай олиш каби қобилиятларни камол топтиришдир.
Иқтисодий тарбия–мактабда асосн табиий-математик фанлар асосида 
берилади. Унда ўқувчилар ишлаб чиқаришнинг турли соҳалари, бозор, оила 
бюджети, иқтисодий география, маркетинг каби кўплаб замонавий тушунчалар 
билан қуролланадилар. 
Экологик тарбия – бу ўқувчиларда атроф-муҳитга, табиатга нисбатан 
экологик муносабатларни шакллантириш жараѐнидир. «Экология» - юнонча сўз 
бўлиб, тирик мавжудотларнинг яшаш шароити ва теварак атрофдаги муҳит 
билан ўзаро муносабатлари ҳамда шу асосда юзага келадиган қонуниятларни 
ўрганадиган фандир.
Баркамол инсоннинг муҳим фазилатларидан бири унинг экология 
маданиятидир. Экологик маданиятга эга шахс барча тирик мавжудотларнинг 
яшаш шароити, муҳити, қонун-қоидаларини пухта билади, табиат 
мувозанатини сақлашга ҳисса қўшади. У атроф-муҳитга нисбатан бепарво 
бўлмайди, аксинча уни яхшилашга, соғломлаштиришга ҳисса қўшади.