15-Amaliy mashg‘ulot Mavzu: Texnologik mashinalarni ta’mirlash va texnik servis xizmat ko’rsatish asoslari bilan tanishish

Ajratish va yig’ishning texnik hujjatlari.
Murakkab bo’lmagan mashinalarni ajratish va yig’ish ketma-ketligini slesarь yig’ish 
chizmalari, ko’rsatmalari bo’yicha mustaqil aniqlab olish mumkin. Murakkab 
mashinalarni ajratish va yig’ish uchun yig’ma chizma ajratish (yig’ish) ning texnologik 
sxemasi, ajratish (yig’ish)ning texnologik kartasidan iborat texnik xujjatlar tuziladi: 
Sxemada yig’ish elementlarini biriktirish ketma-ketligi shartli tasvirlanadi. Sxemada 
ajratish (yig’ish) jarayoni yo’g’on to’g’ri chiziq bilan tasvirlanadi va uning mos joylariga 
detal va yig’ma birliklarni belgilovchi to’g’ri to’rt burchaklar ingichka chiziqlar bilan 
ulanadi. To’g’ri chiziq ikki qismga ajratilgan. Yuqori qismida detal yoki yig’ma birlik 
nomini bildiruvchi raqam va uning nomi pastki qismida - bir xil nomli detallar soni va 
tayyorlovchi zavod katalogi yoki yo’riqnomasi bo’yicha belgilanishi ko’rsatiladi. 
Agar katalogda detal belgilanishi ko’rsatilmagan bo’lsa, S B yozuvi qo’yiladi. 
Sxema chapdan o’ngga qarab quriladi. Sxema boshida asos detal (disk) shartli 
belgilangan ko’rsatiladi. Opertsiyalar bajarilish ketma-ketligi ko’rsatkichlar bilan 
belgilanadi. Alohida detallar shartli belgisi -yig’ish sxemasi yo’nalish bo’yicha chapda, 
yig’ma birliklarniki o’ngda ko’rsatiladi. Rasmda detallar yig’ish chizig’ining yuqorisida, 
yig’ma birliklar pastda tasvirlangan. 
Chiziqning oxirida yig’ilgan mashina shartli belgisi tasvirlanadi. 
Ajratish (yig’ish) texnologik kartasi aksar hollarda muayyan yig’ma birlik uchun 
tuziladi. Kartaning yuqorisida yig’ma birlikning ajratiladigan detallari tartib raqamlari 
ko’rsatilagan yig’ma chizmasi keltiriladi. Chizmadan pastda karta jadvalida ajratish 
(yig’ish) ketma-ketligida operatsiya va o’tishning nomi va raqami, qo’llaniladigan 
instrument va moslama, ajratish (yig’ish)ning texnik talablari, ishchi razryadi va kasbi, 
har bir operatsiyaning ish hajmi ko’rsatiladi.