15-bob. Reklama faoliyatining asosiy turlari

15.3-rasm. Piktograma turlari 
Reklama pannosi savdo zali devorlarida joylashtiribgina qolmay, magazinga 
kiraverishda yoki zinapoya maydonchalarida ham joylashtiriladi, tovarlar tepasida 
shiftga osib qo‘yiladi, shuningdek, magazin vitrinalarini bezashda ham foydalaniladi. 
Magazinda tovarlar mavjudligi haqida joriy axborotni xaridorlar elektrotablodan 
olishi mumkin. U savdo zaliga kiraverishda yoki maxsus ekspozitsiya 
maydonchasidan o‘rin oladi. Elektrotablo old devori yaltiramaydigan organik 
oynadan tayyorlangan to‘rtburchak quti shaklida bo‘ladi. Quti ichida yozuvlarni 
yoritib ko‘rsatish uchun lyuminessent lampa yoki cho‘g‘lanma lampa o‘rnatiladi. 
Tabloning old panelida plastina joylashtiriladigan kichkina tarnovchali ushlagichlar 
o‘rnatiladi. Ko‘pincha bu plastinalarga yirik shrift bilan sotuvda mavjud bo‘lgan 

---

306 
tovarlar nomi yoziladi. YAngi tovarlar ro‘yxati beriladigan maxsus yorug‘lik tablosi 
o‘rnatilishi mumkin. Bu holatda uni bezash yorqinroq xarakterga ega bo‘ladi. U uch-
to‘rt xil rangda, masalan, havorang, yashil, och sariq rangda bajariladi. Bunday 
elektrotablolar tayyorlash qimmatga tushmaydi. 
Zamonaviy sharoitlarda, agar magazin mablag‘lari bunga imkon beradigan 
bo‘lsa, katta axborot va reklama imkoniyatlariga ega bo‘lgan elektron tablodan 
foydalanish mumkin. 
Reklama ko‘rsatkichlari, narxko‘rsatkichlar, tablolar – bularning barchasini 
«tovushsiz ma’lumotnoma» deb atash qabul qilingan. Ularning qatoriga boshqa 
reklama turlarini to‘ldirib turadigan bosma reklamani ham kiritish lozim. 
Turli ko‘rsatkichlar ko‘rinishidagi yo‘naltiruvchi reklama xaridorni kerakli tovar 
yoniga olib keladi, xolos. Keyingi reklama funksiyalarini narxko‘rsatkich bajaradi, 
shu sababli barcha tovarlar narxko‘rsatkich bilan ta’minlanishi lozim. 
Narxko‘rsatkich yirik va aniq shrift bilan bosilishi lozim. Tovar narxi uning nomi 
bilan bir xil o‘lchamda yoziladi. 
Tovar texnik tuzilishi bo‘yicha qanchalik murakkab bo‘lsa, xaridor u haqida 
axborotga shunchalik ko‘p ehtiyoj sezadi. Narxko‘rsatkichda narxdan tashqari 
tovarning qisqacha tavsifnomasi, o‘ziga xos xususiyatlari va boshqa tovarlar oldidagi 
afzalliklari ham qayd etilishi mumkin. Bu doimo xaridorga ijobiy ta’sir ko‘rsatadi, 
uning ushbu tovarga bo‘lgan qiziqishini oshiradi.