16-Ámeliy: Násilli qoshqarlardi azıqlandiriw hám buwaz hám sawlıq qoylardı azıqlandiriw

Sawlıq qoydi azıqlantırıw. Sawlıq qoydıń toyımlı zatlarǵa bolǵan laktatciya dáwiri (birinshi 6-8 hápte - birinshi dáwir hám ekinshi dáwir), emizetuǵın qozılar sanı qoylar parodası, olardıń sútdarliǵi hám semizlik dárejesine baylanıslı boladı.
Racionlardıń ulıwma toyımlılıǵı sawlıq qoy ushın 100 kg tiri salmaǵına laktatciyaniń birinshi dáwirinde 38 MDj hám ekinshi dáwirinde 29 MDj almasiw energiyası tuwrı keliwi kerek, bunda 1 energiya azıq birligine ortasha 90-100 g sińimli protein, 6-7 g kalciy, 3,5-4,0 g fosfor, 3,5 g altıngugurt hám 10-13 g karotin tuwrı keliwi kerek. Qoydıń qurǵaq zatqa bolǵan talabı 100 kg tiri salmaq esabına ortasha 3,2­3,8 kg di quraydı.
Laktatciyaniń birinshi yarımında racionniń tiykarǵı bólegin tiykarınan jaylaw azıqlar quraydı. Jaylaw azıqlarǵa qosımsha etip bir basqa bir kúnde qosımsha 0,3-0,4 kg konsentrat azıqlar hám 15-21 g as duzı beriliwi kerek.
Laktatciyaniń ekinshi dáwirinde jaylaw azıqlar pisip olardıń toyımlılıǵı asıp baradı. Bul dáwirde jaylaw azıqlar tiykarǵı derek esaplanıp sawlıq qoy bir kúnde ortasha 8-9 kg yamasa 2,5 kg qurǵaq zat esabına kók otti jew kerek. Ónimdarlıǵı tómen bolǵan jaylawlarda qosımsha 0,1-0,2 kg konsentrat ozıqlar hám 12-16 g as duzı qoldan beriledi.
Ayırım xojalıqlarda qoydıń qozilatiw ilájları qıs aylarında (dekabr-yanvar ) da ótkeriledi. Jaylawda baǵıwdıń múmkinshiligi joq sharayatta dáslepki 2-3 kúnde racionniń tiykarǵı bólegin jaqsı sapalı masaqlı-soblıqlı hám tábiyiy ot pisheni quraydı, soń racion konsentratlar menen bayıtıladı. Xojalıq sharayatında shireli (silos, senaj) azıqlardan paydalanıw múmkinshiligi bolǵan sharayatta jaqsı nátiyje boladı. Bunda racionniń ulıwma toyımlılıǵına salıstırǵanda 25-30% daǵal azıqlar, 25-30% shireli azıqlar hám 35-40% ti konsentrat azıqlar qurawi kerek. Qurǵaq zat quramındaǵı shiyki kletchatka 24-27% átirapında bolıwı usınıs etiledi.
Bunda jún hám jún-gósh baǵdardaǵı, tiri salmaǵı 50 kg bolǵan sawlıq qoydıń kúnlik racioni 1-1,5 masaqlı-soblıqlı ot pisheni, 0,3-0,5 kg saban, 2,0-3,0 kg silos yamasa senaj, 0,6 kg arpa jarma, 17 g as duzı hám mineral qosımshalardan qurawi múmkin.