БОШҚАРИШ ФАОЛИЯТИНИНГ ТУРЛАРИГА КЎРА, функциялар қуйидагича бўлади:
- бошқаришнинг иқтисодий функциялари, яъни, маблағларнинг доиравий айланишини амалга ошириш, маҳсулот ишлаб чиқариш ва хизматлар кўрсатиш, маркетинг хизматини уюштириш ва ҳакозо.
- бошқаришнинг социал функциялари: меҳнат шароитини яхшилаш, ходимларнинг уй-жойга эҳтиётини қондиришга ёрдам бериш, моддий рағбатлантиришни таъминлаш, ижтимоий ҳимояни таъминлаш ва ҳ.к.
- бошқаришнинг маънавий-маърифий функциялари: ходимларни инсонийлик, яхшилик, меҳр-шафқатли ва ўзаро муносабатларда сабр-тоқатли бўлиш руҳида тарбиялаш ва ҳ.к.
- бошқаришнинг ташкилий функциялари, яъни, таълим жараёнини ташкил қилиш, ўзаро алоқаларни ўрнатиш ва мувофиқлаштириш, вазифалар тақсимлаш бошқариш аппарати ходимлари ўртасида маъсулиятларни белгилаш ва ҳ.к.
Бошқаришнинг функцияларидан яна бири – бу ТАРМОҚЛИ БОШҚАРИШ БИЛАН ҲУДУДИЙ БОШҚАРИШНИНГ МУТАНОСИБЛИГИНИ ТАЪМИНЛАШДИР. Ҳар бир корхона қандайдир бир тармоқкқа киради. Айни вақтда у бир туман ҳудудида жойлашганлиги жиҳатидан маҳаллий ишлаб чиқариш – ҳудудий мажмуига киради.
Do'stlaringiz bilan baham: |
