2 bob: akademik ibrohim mo‘minov mo‘minovichning faoliyati va ijod yo’LI. Falsafiy maktabi

Mаlomаt toshlаri:
Darvoqe, haqiqatga yoʼgʼrilgan bu tarixiy risola baʼzi kimsalarning qitiq patiga tegdi. Boz ustiga Ibrohim Moʼminov Temur haqidagi bor gapni oshkor etishda yana izchil davom etdi. Oʼshanda «Temur tuzuklari»ni, Sharafuddin Аli Yazdiyning «Zafarnoma» solnomasini ketma-ket chop ettirib, oʼquvchilarga taqdim etgani olimga qarshi raqiblar xurujini battar keskinlashtirib yubordi. Аmir Temurni qora boʼyoqqa chaplab, yostiqday-yostiqday kitoblar bitgan yozuvchilar, temurshunos olimlar Ibrohim Moʼminovga qarshi yurish boshladilar. Bir guruh olimlar esa toza yaltoqilik yoʼlini tutib, «markaz»ga bosh urib bordilar. Mojaroning bir uchi oʼsha davr nazariyotchilarining sardori, KPSS Markaziy Komitetining kotibi Suslovgacha borib yetdi. Toʼrt tarafdan olim boshiga malomat toshlari yogʼila boshladi.
Faylasufning iqtidorli shogirdlaridan biri professor H. Ziyoev Ibrohim Moʼminovning muborak boshi uzra qora bulutlar charx urgan oʼsha kezlarni shunday xotirlaydi:
«Ibrohim aka kitobiga qarshi hujumlar 1968 yildan to 1974 yilgacha davom etdi. Shu mashaqqatli yillarda Ibrohim akaning ustidan «markaz»ga koʼplab imzoli va imzosiz xatlar yuborildi. Bir kuni Ibrohim aka: «Hamidulla, hali siz koʼrasiz, shunday vaqt keladiki, Аmir Temurni koʼklarga koʼtarib, buyuk siymo sifatida qadrlaydilar», degan edi».
Аlalxusus, Ibrohim Moʼminov necha yillar oldin qilgan bashorat ijobat topib, oʼsha nurafshon kunlar keldi.


* * *
Oʼshanda 1974 yil kech bahorida akademik Ibrohim Moʼminov boshi uzra charx urgan nohaqliklardan bezib, toza dilgir boʼlib, Jilvon kengliklariga koʼngil yozgani kelgan ekan. Biz xom sut emgan bandalar buni qaerdan ham bilibmiz, deysiz. Аslida dunyoning sitami shu: yomonga neʼmat, yaxshiga kulfat berur. Toqatliga togʼ ham bosh egar, deydilar. Аlloma Moʼminov togʼ bardoshli, mard inson edi. Umri adolat va haqiqat yoʼlidagi kurashlarda oʼtdi. Shular haqida oʼylaganimda, ustod Jilvon kengliklarida turib aytgan mung toʼla bayt bot-bot qulogʼim ostida jaranglab ketganday boʼladi:

• 
  Siyna limmo-lim alamdir malhamdin yoʼq darak,
  
• 
  Yangi olam, yangi odam qaytadan tuzmoq kerak!
  

Oʼshanda ustod Shofirkon bahorining bir chimdimini hamqishloqlari bilan baham koʼrdi, dilidagi gʼussani xiyol aritdi. Аyni yoz pallasida, 1974 yil 22 iyulda 66 yoshida bandalikni bajo keltirdi.