2 Ишмуродов С. Т. “Бизнес асослари”

 
5.3. 
Бизнес-режанинг иқтисодий моҳияти, мазмуни, асосий 
бўлимлари. 
Ўзбекистон иқтисодиёти руй бераетган тухтовсиз ўзгаришлар ва 
рақобат даражасининг усиб бориш шароитида фақат машаккатли мехнат 
орқали бизнесда муваффақиятга эришиш мумкин, дейиш қийин. 
Муваффақиятли бўлиши учун бизнесимиз аниқ мақсадга ва унга эришиш 
учун эса, яхши ривожланган стратегияга эга бўлиш лозим. Бошқача қилиб 
айтганда, бизга бизнес- режа зарур. 
Бозор иқтисодиёти шароитида бизнес-режа тадбиркорликнинг 
хамма соҳаларида қўлланиладиган гуё бир иш асбобидар. У фирманинг иш 
жараёнини тасвирлаб, фирма рахбарларининг ўз мақсадларига қай тариқа 
эришишларини, биринча галда ишнинг даромадлилигини кай тариқа 
ошириш мумкинлигини курсатиб беради. Яхши ишлаб чиқилган бизнес-
режа фирмага ўсиб боришга, бозорда янги мавқеларни қўлга киритишга, 
ўз тарақиётининг истиқболларини белгилаб олишга, янги товарлар ишлаб 
чиқариш ва янги хизмат турларини яратишга ҳамда мулжалларни амалга 
оширишнинг мақсадга мувофиқ усулларини танлаб олишга ёрдам беради. 
Бизнес-режа доимий хужжат бўлиб, мунтазам равишда янгилаб берилади, 

---

60 
унга ҳам фирманинг ичида, ҳам умуман иқтисодиётдаги шароитларга 
қараб руй берган ўзгаришлар киритилади. 
Бизнес-режа фирма ичи таҳлилини махсус илмий ташкилотлар 
томонидан амалга ошириладиган макроиқтисодий таҳлиллар билан 
боглайди. Одатда ҳар бир фирма бизнес- режа тузади, лекин бундай 
хужжатларни тайёрлаш имкониятлари хар хил бўлиши мумкин: бизнес-
ражани ишлаб чиқиш учун кичик фирмалар консалтинг ташкилотларининг 
мутахассисларини жалб этишлари мумкин. 
Бизнес-режа фирманинг муайян бозордаги фаолиятнинг аниқ 
йўналишини урганиш мақсадида ўтказиладиган тадқиқотлар ва ташкилий 
ишнинг натижаси бўлган муносабати билан у қуйидагиларга асосланади: 
 Маълум товарни ишлаб чиқариш (хизматлар кўрсатиш)нинг аниқ 
лойихасига- янги турдаги буюмлар яратиш ёки янги хил хизматлар 
кўрсатишга; 
 Фирманинг заиф ва кучли томонларини аниқлаб, олиш мақсадида хар 
томонлама ўтказиладиган ишлаб чиқариш- хўжалик ва тижорат 
таҳлилига; 
 Аниқ масалаларни амалга ошириш учун қўлланиладиган молиявий, 
техник- иқтисодий ва ташкилий механизмларга; 
Бизнес-режа фирманинг ривожланиш стратегиясини белгилаб 
берадиган асосий хужжатларнинг биридир. Шу билан бирга у фирма 
тараққиётининг умумий концепциясига асосланади, стратегиянинг 
иқтисодий ва молиявий жиҳатларини бир мунча батафсил баён этади, 
аниқ-тайин чора тадбирларни техник- иқтисодий жиҳатдан асослаб 
беради. Стратегияни амалга ошириш техник, ташкилий ва иқтисодий 
ўзгаришларнинг маълум вақтгача ўзаро махкам богланган бутун бир 
тизими сифатида туғилган кенгинвестиция дастурларига асосланади, 
бизнес-режа инвестицион дастўрнинг одатда бир неча йил ичида амалга 
оширилиши керак бўлган бир қисмини уз ичига олади. 
Шундай қилиб, фирманинг стратегик ишида қуйидаги тартиб кузга 
ташланади. 
1- босқич. Ривожланиш концепциясини ишлаб чиқиш. 
2- босқич. Ривожланишнинг инвестицион дастури. 
3- босқич. Ўртача муддатли даврга бизнес- режа тузиш. 
4- босқич. Бизнес-режани амалга оширишга доир чора-тадбирлар. 
Бизнес- режанинг бир канча вазифаларни ҳал қилишга имкон 
беради, лекин буларнинг асосийлари қуйидагилардир: 
 фирма 
тараққиёти 
(стратегияси, 
концепциялари, 
лойихалари) 
йўналишларининг иқтисодий жиҳатдан мувофиқлигини асослаш; 
 фаолиятининг кутилаётган молиявий натижаларини, биринчи галда, 
сотув хажмларини сармоядан олинадиган даромадлар, фойдани 
ҳисоблаб кўриш; 

---

61 
 танлаб олинган стратегияни амалга ошириш учун керакли маблағлар 
манбаларини, яъни молиявий ресурсларни жамлаш усулларини 
белгилаш; 
 мазкур режани амалга ошира оладиган ходимларни танлаб олиш. 
Режанинг хар бир бандини бошқа бандлар билан махкам богланган 
холда олиб ечиш мумкин холос. Бизнес режанинг асосий маркази 
молиявий ресурсларни жамлашдир. 
Демак, бизнес–режа потенциал инвестор танишмокчи бўлган Бизнес 
фаолияти ҳақидаги дастлабки маълумот бўлиб, агар режа ишончли 
бўлмаса ва инвесторни жалб килмаса, шартнома ҳақида гап хам бўлиши 
мумкин эмас. Шуни эсда тўтиш лозимки, биздаги ягона имконият бу 
биринчи учрашувдаек ижобий таассурот колдиришдадир! 
Бошқача қилиб айтганда бизнес–режа қуйидагиларни амалга 
оширади 
- Бизнес фаолиятимизнинг келажагини аниқлаб беради; 
- Бизнес фаолиятининг эксплутатцион характеристикаларини, яъни
мавжуд ишлаб чиқариш кувватларини, ишлаб чиқарилган махсулот ва
курсатиладиган хизмат турларини , хом аше ва материалларни олиш
мумкин бўлган манбаларни , бозорни ва сотиш стратегиясини баен
қилиб беради ва хоказо; 
- Бизнес фаолиятининг бошқариш тузилмасини кўрсатади; 
- Бизнес фаолиятини қандай сармоялашни батафсил курсатиб беради; 
- потенциал инвесторлар ва кредиторларга йўналтирувчи восита бўлиб
хизмат қилади; 
Умуман айтганда, бизнес-режа лойиханинг муваффақият
даражасини белгилаб берувчи курсаткич ҳисобланади.