2-mavzu: Umumzavod va sex ichidagi transport jixozlarini montaj qilish. Reja

1. Nasos va nasos agregatlarini montaj qilish. Nasoslar suyuqliklarni bir joydan ikkinchi joyga haydash uchun mo‘ljallangan gidravlik qurilmadir. Ishlash prinsipiga qarab nasoslar 3 ga bo‘linadi: markazdan qochma, shesternyali va porshenli.
Markazdan qochma nasoslarda suyuqlik markazdan qochma kuch ta’sirida haydaladi. SHesternyali nasoslarda suyuqlik shesternya ichlaridan siqib chiqarish hisobiga haydaladi. Porshenli nasoslarda suyuqlik ilgarilanma-qaytma harakatlanayotgan porshen yordamida haydaladi.
Nasoslar etarli darajada qattiq asosga o‘rnatiladi, chunki ishlayotgan paytida vibratsiya hosil bo‘lmasligi kerak
Nasos montaji quyidagi operatsiyalarni o‘z ichiga oladi:
1) nasosni fundament yoki maydonchaga qo‘yish;
2) nasosning gorizontallik holatini tekshirish;
3) nasosning fundament plitasiga sementli qorishma quyish;
4) nasosni reviziyalash;
5) nasosni sinab ko‘rish va ishga tushirish.
Nasosning holati obtarozini haydovchi trubkachaning flansi yuzasiga 2 ta o‘zaro perpendikulyar yo’nalishda qo‘yish yo‘li bilan tekshiriladi. Nasosning gorizontalligini ankerli boltlar yoniga yassi metall plastinachalar qo‘yish yo‘li bilan to‘grilash mumkin. Nasosning gorizontallik holatidan ogishi 1 m. masofada 0,1 mm.dan oshmasligi kerak. Gorizontallik tekshirilgandan keyin plita va bolt quduqchalariga betonli korishma quyiladi.
Nasosni reviziyalashda quyidagi ishlar amalga oshiriladi: nasos ichi yuviladi va artiladi, salnik uriladi va oraliqlar tekshiriladi. Nasosni ishlatishdan oldin mufta orqali qo‘l bilan ishchi gildiragi aylantiriladi. U bo‘sh va engil aylanishi kerak.
Nasosni ishga tushirganda rotorning aylanishi tekshiriladi. U yuritmadan turib qaraganda soat strelkasiga qarama-qarshi yo’nalishda aylanishi kerak.
Kompressorlarni montaj qilish. Havo kompressorlari aerozol transporti uchun kerak bo‘lgan siqilgan havo olish uchun ishlatiladi. Kompressorli qurilma rama-resiverga o‘rnatilgan kompressordan va elektrodvigateldan iborat. Kompressorli qurilmaning montajini rama-resiverni o‘rnatishdan boshlaydilar. Keyin uning ustiga kompressor va elektrodvigatel o‘rnatiladi.
Kompressor maxovigi va elektrodvigatel yarim muftasining o‘qdoshligini tekshiruvchi chizgich yordamida bir xil joylashgan 4 nuqtadagi oraliqqa qarab tekshiradilar (2.1 - rasm).