ATMOSFERA TOKIDAN JARAQATLANIW
Kóbinese shaqmaq shaǵıwları hám gúldirmama waqıtında elektr zariyatlarınıń atmosferada toplanıwdan jaraqatlanıwlar júzege keledi. Bunday hallarda shaqmaqtıń jerge jolı ashıq jayda turǵan, máselen, ashıq daladaǵı jalǵız terek, toǵaydaǵı eń balent terek yamasa eń joqarı metal konstruksiya arqalı ótiwi múmkin. Sonıń ushın hám shaqmaq shaǵıwı waqıtında bunday jerlerde (terek astında, metal konstruksiyalı sımaǵashlar hám sol sıyaqlılar janında) bolıw qawipsiz emes. Binalar ishinde shaqmaqtıń zıyanlanıwshı tásirinden saqlanıw ushın aynalardı jawıp, hámme elektr áspapların, jáne radio hám televizorlardı óshirip, antenalardı úziw kerek. Shaqmaq penen zıyanlanǵanda, adamnıń denesinde terek sıyaqlı kók reńindegi súwret payda boladı. Bunday waqıtlarda «shaqmaq óz formasın qoldıradı» dew ádet bolǵan. Negizinde bul nárse teri astındaǵı qan tamırlarınıń falajlanıwı nátiyjesinde kelip shıǵadı. Birinshi járdem: bunday hallarda tezlik penen hám úzliksiz tiriltiriw shara-tadbirlerin baslaw kerek (jasalma dem aldırıw, júrekti barxama massaj qılıw). Bul shara-tadbirler jaraqatlanǵan adamdı saqlap qalıwnıń birden-bir jolıdı.
Do'stlaringiz bilan baham: |
