3-ameliy tema: Basiliw sindrominda jaraqatlanǵanlarǵa kórsetiletuǵin birinshi medisinaliq járdem. Suwǵa shókken adamǵa, muzlaǵan, elektr togi urǵan insanlarǵa medicinaliq járdem kórsetiw

Jábirleniw. Jaraqatlaniwlar ishinde kóp ushrap, ótpes zat tásirinde payda boladi. Jábirleniw mushit, tayaq, tas penen uriw, jiǵiliw, joqaridan túsken nárselerdiń qatti uriliwi nátiyjesinde kelip shiǵiwi múmkin. Jábirleniwiniń belgilerine awriw, toqimalar isiwi, teri astina qan quyiliwi, háreketiniń buziliwi kiredi. Teri toqimalari astina qan quyiliwi qantalaw denlinendi, úlkenrek qan tamir jaraqatlanǵan bolsa, qan kóp muǵdarda tóplanadi hám gematoma hasil boladi. Urip aliw nátiyjesinde ishki organlar (bawir, ókpe, búyrek, ishekler jaraqatlaniwi múmkin. Bunda shok rawajlaniwi múmkin. Awriw ziyanlaniw faktorniń kaliwi hám jaraqatlaniw jayina baylanisli. Nerv stvollari hám refleksogen zonalar jábirlenede awriw kúshli boladi. Awriw háreket qilǵanda kúshedi hám tinsh turǵanda kemeyedi. Payda bolǵan isiwniń úlken-kishikliǵi quyilǵan qan muǵdariǵa hám limfa tamirlariniń úziliwne baylanisli boladi. Siljiw jaǵdayinda gemoglobin reńi ózgerisike baylanisli bolǵan qan quyilǵan jay aweli jasil, soń sardaw reń aladi.
BTJ Jábirlengen adamǵa járdem beriw tinish qoyiw, qan quyiliw hám awriwdi kemeyttiriwge qaratiladi. Awriwdi qaldiriw ushin jaraqatlanǵan áspapti joqari kóterip qoyiladi, suwiq kompress buyriladi, siǵip turiwshi baylam qoyiw múmkin. Jábirlengen bólim immobilizatsiya qiliw lazim boladi. Gematomaniń soriliwi tezletiw ushin 2-3 kúnnen keyin issi kompress, vanna, UVCh hám massaj qollaniladi.
Baylamlardiń soziliwi buwin qanigesine oni sozip jiberetuǵin hám qate baylamlardi úzip jiberetuǵin zor kelktuǵin háreketler nátiyjesinde kelip shiǵadi. Baylam sozilǵanda qatti awriw payda boladi. Jaraqatlanǵan jerdi tezde isiedi hám buwin háreketi buziladi, qan tamirlari úziliwi aqibetinde soziliw baldir-ayaq panjesi buwinda, tizze hám tirsek buwinlarinda kóp ushraydi. Baylam sozilǵanda, buwin bólimine basip turatuǵin baylam qoyiw kerek. Awir xallarda gipsli baylam qoyiladi. Buwin sozilǵanda aldin muzli qaltasha yamasa suwiq kompress isletiledi. Keyingi kúnlerde bolsa isitwshi emlewler qilinadi.