3-ameliy tema: Basiliw sindrominda jaraqatlanǵanlarǵa kórsetiletuǵin birinshi medisinaliq járdem. Suwǵa shókken adamǵa, muzlaǵan, elektr togi urǵan insanlarǵa medicinaliq járdem kórsetiw

Elektrtravmada birinshi járdem Jaraqatlanǵan adamdı jolda tezlik penen elektr togı dereginnen ajratıw zárúr. Bul isti jolda itibarlılıq penen, texnika qawipsizligine ámel qılǵan jaǵdayda orınlaw zarúr. Eger imkaniyatı bolsa, toktı tezde arnawlı óshiriw pultidan yamasa tok óshirgishinen óshiriw kerek. Eger olar nasaz bolsa, arnawlı ótkir jaǵlı plaskobıs penen (izolatsiyalawshı rezina truppka kiydirilgen) elektr sımın qırqıp taslaw, bunda, álbette, har bir sımın ajıratıp koyıw, yaǵnıy qısqa tutasıw kelip shıǵıwıǵa jol qoymaw kerek. Jaraqatlanǵan adamdı tok tásirinnen azat qılmay turıp, denesiniń ashıq bólimlerine tiygiziw múmkin emes. Eger nawqasda klinik ólim júz berse, tezlik penen hám úziliksiz, sondayaq, transportirovka waqıtında hám, jasalma dem beriwdi (awızdan-awızǵa yamasa awızdan-murınǵa) hám júrekti massaj qılıwdı ámelge asırıw kerek. Waqiya payda bolǵan jayda kúygen terini odikolon menen súrtiw, steril baylam qoyıw, transport shinaların qollaw kerek. Elektrtravma alǵan adamlar, olardıń jaǵdayı qanday bolıwına qaramastan, emlewxanaǵa jatqarılıwı shárt.
Elektrdenkúyiwde birinshi járdemkórsetiw.
Mudamı birinshi járdem kórsetiw qaǵıydalarına ámel qılıń. Arnawlı járdem kórsetiw.
1. Elektr tarmaǵınan úzip qoyılǵanlıǵına gúman bolmasańız, elektr shokdan jábirlengen adamǵa hesh qashan jaqınlamań. Eger hadiyse payda bolǵan jayda elektr gúzetiw liniyası sımları jatırǵanın kórseńiz, órt óshiriw komandası yamasa elektrikler brigadası keliwin kútiń. Eger ústi ashıq sım avtomobil korpusında jatırǵan bolsa, adamlarǵa mashinada otıraberiwin maslahat beriń.
2. Birlemshi kózden keshiriwde dem alıwdıń buzılıwı yamasa júrektiń tosattan toxtaw belgilerin dıqqat penen gúzetiw.
3. Eklemshi kózden keshiriwde shıǵıw jaraqatın kózden keshiriwdi umıtpań: mudamı eki kúyikti izleń. Kúygen jerge sterillanǵan baylam qoyıń.
4. Shaqmaq urıwınan jábirlengen adamda da sıǵan jeri bolıwı, sondayaq omırtqa paǵanası sınıwı múmkin. Sonıń ushın onı qıymıldatıw kerek emes. Kúyip qalıw onsheli úlken problema emes.