3 I bob. Fransuz frazeologizmlari alohida semantik stilistik birlik sifatida

Tadqiqot ob’yekti va predmeti. Tilshunoslikning frazeologik qatlami 
mazkur ishimizning tadqiqot ob’yekti sifatida xizmat qiladi. Tadqiqot predmeti 
sifatida esa leksikologiyaning bir bo‘limi hisoblangan frazeologiya fanini 
keltirish mumkin.
Tadqiqot maqsadi va vazifalari. Tadqiqotning asosiy maqsadi fransuz
tilidagi FBlar etimologiyasini, ularga xos semantik-funksional xususiyatlarni 
o‘rganish va ularni struktur-semantik jihatdan talqin qilishdir. 
Ushbu qo‘yilgan maqsad quyidagi vazifalar yechimini taqozo etadi: 
1) frazeologiyaning tilshunoslik sohasida o‘rganilish masalalarini ko‘zdan 
kechirish; 
2) fransuz tilida FBlarning o‘ziga xos xususiyatlarini tavsiflash hamda 
frazeologizmlarini semantik turkumlarga ajratish; 
3) FBlarning etimologik ma’nosini va ularga xos funksional stilistik
buyoqdorligi tarkibini tavsiflash mezonlarini aniqlash; 
4) ko’p ma’noli frazeologizmlarining semantik tarkibi bilan stilistik
buyoqdorligi o‘rtasidagi munosabatni, omonim, sinonim, antonim FBlarning 
o‘ziga xos semantik-funksional xususiyatlarini tahlil qilishda etimologik
xususiyatlarning ahamiyatini tavsiflash; 
5) FBlarning kelib chiqish xususiyatlari orqali ularning matnda 
qo‘llanilish usullarini tahlil qilish. 
 
Tadqiqotning ilmiy yangiligi. Frazeologiya bo‘yicha shu kungacha 
juda ko‘plab tilshunos olimlar izlanishlar olib borishgan. Ushbu tadqiqotlar ichida 
esa asosan, bugungi kunda FBlar etimologiyasi tahliliga kam e’tibor berilgan. 
Ushbu tadqiqot ishi fransuzcha FBlar etimologiyasiga bag‘ishlangan bo‘lib,
uning natijalari asosida tilshunoslikdagi ayrim frazeologik muammolar o‘z
echimini topishi mumkin. Xususan, birgina fransuz tili doirasida olib borilgan 
ushbu tadqiqot natijasida erishilgan umumiy faraz va xulosalar orqali FBlarga 

---

5 
xos etimologik xususiyatarning FBlar semantikasida tutgan o‘rnini aniqlashga
yordam berishi hamda ularni matn doirasida tushunish imkoniyatlarining bir 
ko‘rinishi ekanligi shular jumlasidandir.