3 I bob. Mehmonxonalarda marketing faoliyati ahamiyatining nazariy jihatlari

II BOB. MEHMONXONALARNI RIVOJLANTIRISHDA MARKETING XIZMATINI TAKOMILLASHTIRISHNING ASOSIY YO‘NALISHLARI
2.1. Mehmonxonalarni rivojlantirishda marketing tadbirlarini amalga oshirish
Respublikamizda xalqaro turizm bozorini rivojlantirish, uni jahon andozalari talabi asosida shakllantirish va shu orqali iqtisodiyotni yanada yuksaltirish imkoniyatlariga ega bo‘lamiz. Xalqaro turizm bozorida, kuchli raqobat kurashi sharoitida ko‘zlangan maqsadga erishish uchun eng avvalo aniq yo‘nalish, doimiy ravishda izlanish, faoliyatni jahon andozalari darajasida tashkil etish talab qilinadi.
Raqobatchilar faoliyati. Raqobatchilarni o'rganish hududiy hududda joylashgan, o'xshash yulduz reytingiga va shunga o'xshash xizmatlarning ro'yxatiga ega bo'lgan mehmonxona kompaniyalari to'g'risida ma'lumotlarni to'plashdan boshlanishi kerak. Ushbu tadqiqot jarayonida raqobatdosh mehmonxonalar faoliyatining ayrim jihatlari monitoringi olib borilmoqda, xususan.¹¹ Turizm infratuzilmasining ajralmas qismi bo‘lgan mehmonxonalardagi xizmat bahosi bozor talabining yuqori yoki pastligiga qarab farqlanishi mumkin. Bu tafovutning shartlari va me’yorlari narx-navo siyosati orqali aniqlanadi hamda ular raqobatda yengib chiqish va yaxshi daromad olishning asosiy omillari hisoblanadi. Turizm sohasida yetakchilik qilayotgan davlatlardan biri bo‘lgan Ispaniya mehmonxonalarida “sifat-baho” shioriga qattiq amal qilinadi.
Shuning uchun turizm xizmatining asosiy mezoni bo‘lgan narx siyosati O‘zbekistonda ham ayrim turistik tashkilotlari orqali emas, balki davlat tomonidan doimiy ravishda nazorat qilib borilishi lozim. Ko‘riladigan bunday choralar sababli bozor munosabatlari sharoitida mamlakatning turizm bozori yanada rivojlanib boradi va uning xalqaro nufuzi, obro‘si oshadi, valyuta tushumi ko‘payadi.

O‘zbekistonga yetib kelinuvchi turistik sayohatlarning ko‘payishiga salbiy ta’sir ko‘rsatuvchi quyidagi ba’zi hollarni sanab o‘tish mumkin:

• 
  O‘zbekiston to‘g‘risidagi dastlabki va so‘nggi taassurotlarni qoldiruvchi Bojxona xizmati xodimlarining ishidagi sovuqqonlik;
  
• 
  Ko‘pgina mehmonxonalarda taomlarning zamonaviy talablarga javob bermasligi;
  
• 
  O‘zbekiston ichidagi mehmonxona xizmatlari narxlarining asosiy
  

raqobatchilarimizga nisbatan qimmatligi¸ transport narxlarining yuqoriligi;

• 
  turistik esdalik uchun xarid etadigan milliy suvenirlarimizning kamligi va nisbatan qimmatligi;
  
• 
  joriy infratuzilmani takomillashtirish va yangilarini yaratish uchun xususiy soha vakillarida mablag‘larning yetishmasligi;
  
• 
  targ‘ibot masalalariga yetarlicha e’tibor berilmaganligi tufayli xorijiy fuqarolarning aksariyatida O‘zbekiston to‘g‘risida hech qanday ma’lumotning yo‘qligi;
  
• 
  O‘zbekistondagi joriy narxlarning qimmatligidan tashqari, ba’zi hollarda, taklif etilayotgan tovar va xizmatlar sifatining shu narxga mos emasligi.
  

Marketing tadqiqoti uchun zaruriy ma’lumotlar va axborotlarni yig’ish jarayoni bir-biriga bog‘liq bo‘lgan vositalar, uslublar, bosqichlardan iborat. Marketing izlanishi sohalari va yo‘nalishlari qanday bo‘lishidan qat’iy nazar ko‘rsatilgan asosiy bosqichlardan tashkil topadi.
Tadqiqotlarda kuzatish, eksperiment va so‘rov uslublari keng qo‘llaniladi. Lekin ular asosida axborotni yig‘ish vositalari qurollari, tanlov tarkibi turlicha bo‘lishi mumkin.