3-ma’ruza. Matn axborotlarini qayta ishlash texnologiyalari

3-MA’RUZA. MATN AXBOROTLARINI QAYTA ISHLASH TEXNOLOGIYALARI

REJA:

1. Matn protsessorlarining xususiyatlari.

2. MS Word, Libre Office Writer, Open OficceWriter redaktorlarining taхlili.

3. Hujjatlarni namunalar va yordamchilar orqali formatlash.

4. Matn redaktorlarida Smart Art, Word Art, Gipperssilka, Makros, jadvallar bilan amallar bajarish

Matn muharriri - bu mustaqil kompyuter dasturi yoki kompleks amaliy dasturning tashkil etuvchilaridan biri (masalan, dasturlash tillarining matn muharriri) ko’rinishida bo’lib, matnli berilganlar yoki matnli fayllar bilan ishlashga mo’ljallangandir.
Microsoft Word – bu matnli hujjatlarni tuzish, ko’zdan kechirish, tahrir qilish va chop etish uchun mo’ljallangan zamonaviy matn muharriridir.
Microsoft Word – matnli va grafikli ma’lumotlar ustida yuzdan ortiq operatsiyalarni bajaruvchi hamda matnli protsessorlar sinfiga kiruvchi eng takomillashgan amaliy dasturlardan biri hisoblanadi.
Microsoft Word – yordamida ixtiyoriy ko’rinishdagi hujjatni tez va juda yuqori sifatda bosmaxona talabiga javob beradigan darajada tayyorlash mumkin. Dasturning yana bir qulaylik tomoni shundan iboratki, unda bir paytning o’zida bir nechta hujjatlar bilan ishlash mumkin, ya’ni ularni qo’shish, biridan ikkinchisiga kerakli joyni olib ko’chirish, matn oldiga tasvir tushirish, jadval tashkil qilish, turli shriftlar bilan ishlash, harflarni istalgan shaklda yetarlicha katta formatda chop etish mumkin. Microsoft Word matn muharriri ko’magida o’zbek, rus, ingliz va boshqa tillarda har xil hujjatlar, xat, hisobot, maqola, tijorat xabarlari kabi bir turkum matnli ma’lumotlarni tez tayyorlash va chop etish mumkin.
Microsoft Word matn muharririning imkoniyatlarini sanab adog’iga yetib bo’lmasa-da, ulardan asosiylarini quyida keltiramiz:

• 
  Matnli ma’lumotlarni kiritish, tahrir qilish va ko’zdan kechirish;
  
• 
  Qator oraliqlari abzatsini o’rnatish;
  
• 
  Avtomatik tarzda matnni sahifalarga bo’lish;
  
• 
  Matn qismini ajratish va uni kerakli joyga nusxalash;
  
• 
  Hujjat mundarijasini tuzish;
  
• 
  Matematik, kimyoviy formulalarni yozish;
  
• 
  Har xil shriftlarda – oddiy, og’ma, tagiga chizib yozish;
  
• 
  Bir vaqtda bir nechta oynada hujjat tayyorlash;
  
• 
  Matnda har xil shakl, grafik va rasmlardan foydalanish;
  
• 
  Sonli ma’lumotli jadvallar tuzish va ular ustida hisob-kitob ishlarini olib borish;
  
• 
  Avtoshakllar chizish, titul varoqlarini jihozlash va shu kabi yana bir turkum ishlarni bajarishi mumkin.
  

1.