3-ma’ruza. Matn axborotlarini qayta ishlash texnologiyalari

Matn bo’lagini formatlash

Matnli bo’lagini formatlash deganda, matn bo’lagidagi mavjud belgilarni shrift turini, ko’rinishini, o’lchamini, rangini, fon rangini belgilash va ularni varoq chegaralari boylab joylashuvini o’rnatish kabi ishlarning birgalikda bajarilishi tushuniladi. Formatlsh hujjat turiga bog’liq holda amalga oshiriladi. Masalan, rasmiy hujjatlarda oddiy shrift turlari, oq-qora ranglar ko’proq ishlatiladi. Tashrif qog’ozlari kabi hujjatlarda ularni chiroyli chiqishi uchun jimjimador shrift turlaridan va har xil ranglardan foydalaniladi. Hujjatlardagi matnlar bo’lagini format qilish uchun asosan “Главная” lentasida joylashgan “Шрифт”, “Абзац” va “Стили” nomli buyruqlar guruhlaridan foydalaniladi.

“Шрифт” buyruqlar guruhiga kiruvchi buyruqlar yordamida ajratilgan matn bo’lagi ustida shrift turini, shrift о’lchamini, shrift kо’rinishini, shrift rangini, fon rangini o’zgartirish, vizual effektlar qo’llash, ko’rsatkichli va indeksli yozuvlarga o’tkazish, formatini tozalash kabi amallarni bajarish mumkin. Bu amallar quyidagi rasmda keltirilgan tugmachalardan keraklisini bosish orqali amalga oshiriladi.