32- §. Qoqan xanlıǵınıń dúziliwi

Mahlarayım — Nadira

Ózbek shayırası, aǵartıwshı mámleketlik is- ker Mahlarayım — Nadira (1792 — 1842)

Andijanda tuwıldı. Ákesi Raxmanqulıbiy Andijan hákimi bolıp, Qoqan xanı Alımxannıń dayısı edi. Omarxan Marǵulanǵa hákim bolǵannan keyin Nadira menen turmıs qurdı. Nadira Uvaysiy menen tanısqannan keyin, onı jas qızlar hám kánizeklerdi oqıtıw ushın muǵallimshilikke usınadı. Nadira balası Muhammed Alixan taxtqa otırǵannan keyin, mámleketti basqarıwda belsendilik penen qatnasadı, medireseler qurdı- radı. Alımlar, kalligraf hám kórkem bezewshilerdi Qoqanǵa toplap, kóp kitaplardı qayta kóshirttirdi. Kitap muqabasınıń jaqsı isleniwine itibar berdi. Jaqsı kalligraflarǵa, kórkem bezewshilerge altın qálem, gúmis qálem sawǵa etti. Nadiranıń ózi hám ózbek, hám tájik tillerinde jazdı. Mahlarayım Nadira laqabında 180 qosıq jámlengen toplam, Kamila laqabında 19 ǵázzel, Maknuna laqabında 333 ǵázzelden ibarat toplam dúzdi. Nadiradan 10 mıń qatarǵa jaqın lirikalıq ádebiy miyras qaldı. Qosıqlarında muhabbat, sadıqlıq, mehir-opa, sol waqıtta, Shıǵıs hayal- qızlarınıń arzıw-ármanları jırlanadı. Bunnan tısqarı, Nadira Nawayı, Fizuliy hám Bedil ǵázzellerine muxammesler de jazǵan.