4-mavzu: xodimlarni boshqarish tizimi

Bosqichma-bosqich tahlil usulida xodimlarni boshqarish tizimiga eng sezilarli ta’sir ko‘rsatuvchi omillar o‘rganiladi.
Taqqoslash — mavjud bo‘lgan tizimlarni solishtirish orqali eng maqbul usul tanlanadi.
Dinamik — usul barqaror miqdor ko‘rsatkichlarini taxdil etishga asoslangan.
Maqsadni tizimlashda xodimlarni boshqarish tizimining korxona (tashkilot) maqsadlarga muvofiqligining miqsor va sifat ko‘rsatkichlari taxdil qilinadi.
Ekspert-tahliliy usulda xodimlarni boshqarishga yuqori malakali ekspertlarni jalb etish ko‘zda tutiladi.
Me’yor usuli xodimlarni boshqarish funksiyalari tarkibi va mazmunini belgilaydigan me’yorlardan qo‘llanishga asoslangan.
Parametrli usul vazifasi ishlab chiqarish tizimi va xodimlarni boshqarish tizimi o‘rtasidagi funksiyali bog‘liklikni aniqlashdir.
Funksiyaviy-qiymat tahlili, pirovard natija nuqtai nazaridan, eng kam xarajat talab qilinadigan, eng samarali usulni aniqlashni ko‘zda tutadi.
Bosh tarkib usuli bitta ko‘rsatkich (tarkib)da o‘nlab ko‘rsatkichlar xususiyatlarini aks ettiradi.
Balans usuli balansli taqqoslash imkonini beradi.
Tajriba usuli o‘xshash tizimdagi tajribadan foydalanishni ko‘zlaydi.
O‘xshashlik usuli iqtisodiy-tashkiliy ko‘rsatkichlari o‘xshash bo‘lgan tizim bilan solishtirishga asoslangan.
Ijodiy kengashlar usuli xodimlarni boshqarishni rivojlantirish yo‘nalishlarini jamoa holda muhokama etishga qaratilgan.
Jamoa yon daftari (g‘oyalar banki) usuli har bir ekspert tomonidan bildirilgan fikrni jamoa muhokamasiga qo‘yishni anglatadi.
Nazorat savollari usulida avvaldan tayyorlab qo‘yilgan savollar orqali oldinda turgan vazifalarni ijodiy hal etishni faol-lashtirishga qaratilgan.
Morfologik tahlil xodimlarni boshqarish ayrim funksiyalarini amalga oshirish uchun hamma takliflardan eng maqbulini tanlab olishga qaratilgan.
Xodimlar bilan suhbatlashish (intervyu olish) ish jarayonini tahlil etish uchun zarur axborot olishga qaratilgan.