4-sinf o‘qituvchilari uchun ilg‘or pedagogik va axborot-kommunikatsiya

Lug‘at ishi:

tushovlangan – oyoqlari bog‘lagan, erkin harakatlana olmaydigan
zimiston – qorong‘ulik
chilvir – ingichka pishiq arqon
o‘mrovi – ko‘krak qismi
esxonasi chiqib ketgan – shoshib qolib, o‘zini yo‘qotib qo‘ygan

4. Yangi mavzuni mustahkamlash.

Darslik bilan ishlash. “Tushovli toy” hikoyasini o‘quvchilar qism- larga bo‘lib o‘qiydilar va hikoya qilib beradilar.
Matn asosida o‘quvchilar bilan suhbat o‘tkaziladi. Suhbat uchun savollar:

• 
  Saman toy qanday vaziyatga tushib qoldi?
  
• 
  Ko‘kqashqa haqida gapirib bering?
  
• 
  Qo‘chqorni ahvolini izohlab bering.
  
• 
  Siz Qo‘chqorni o‘rnida bo‘lganingizda nima qilgan bo‘lardingiz? “Begona so‘z” mashqi. Bu mashqda matn asos qilib olinadi. O‘quv- chilardan berilgan vaqt ichida jadvalda berilgan 4 ta so‘zdan matnda uchramaydigan so‘z yoki so‘zlarni topish talab qilinadi.
  

1	Qashqir	Ko‘kqashqa	Bo‘ri	Saman	Qo‘chqor
2	Saman	Qudrat aka	Ayg‘ir	Qahramon	Qo‘y
3	Sigir-poda	Vahshiy	Tushov	Chilvir	Ipak
4	Zimiston	Beh, beh, beh	Ertalab	Bug‘doy	Saroy

5. Darsga yakun yasash va o‘quvchilarni baholash.

O‘rganilganlar yuzasidan savol-javob o‘tkaziladi.

1. 
   Nima uchun hikoya “Tushovli toy” deb nomlangan?
   
2. 
   Otlarga yana qanday nom qo‘yish mumkin?
   

Dars xulosalanib, faol qatnashgan o‘quvchilar baholanadi.

6. 
   Uyga vazifa berish. “Tushovli toy” hikoyasini o‘qish.
   

Mavzu: “Jo‘ja” (Anvar Obidjon).

Darsning maqsadi:

Ta’limiy: o‘quvchilarni “Jo‘ja” she’ri bilan tanishtirish. O‘quvchilar ravon o‘qish ko‘nikmalarini rivojlantirish, og‘zaki va yozma nutqini o‘stirish, mustaqil fikrlashga o‘rgatish.
FK 1: she’riy kitoblarni muntazam o‘qib, o‘rganib borish.
Tarbiyaviy: o‘quvchilarda mehribonlik, kamtarlik, rahmdillik kabi xislatlarni, qushlarga nisbatan g‘amxo‘rlik tuyg‘ularini tarbiyalash.
TK 3: yaxshilik va yomonlikni bir-biridan farqlay olish.
Rivojlantiruvchi: o‘quvchilarning bog‘lanishli nutqini o‘stirish, lug‘at
ustida ishlash, erkin va mustaqil fikrlash malakalarini rivojlantirish.
FK 2: o‘rganilgan she’rning nomi, mazmunini ajrata olish.