5-Laboratoriya jumısı. Mavzu: Miytoz hám Meyoz prossesleri. Kletkalardiń bóliniwi hám áhmiyeti

Meyozda kletkalardıń xromosomalıq apparatlarında quramalı ózgerisler bolıp, bul eki áhmiyetli juwmaqqa alıp keledi:
1. Jınıs kletkalarındaǵı DNKnıń muǵdarına baylanıslı xromosoma sanınıń reduktsiyalanıwına alıp keledi.
2. Kelesi urpaqtıń tuqım quwıwshılıq ózgeriwshilik múmkinshiligin kóbeytiw ushın qáliplesiwshi kletkalar arasında genetikalıq materiallar perekombinaciyalanadı.
Spermatogenezde eki meyotikalıq bóliniw teń bolıp, bir ólshemdegi tórt spermatidalar /spermatozoid/ alınadı, al ootsittiń meyotikalıq bóliniwi teń bolmay, bir máyek, 3 reduktsionlıq yamasa polyarlıq, degeneraciyalanıwshı dánesheler alınıp, jınıs kletkalarında gaploidlıq sandaǵı xromosomalar jıynaǵı boladı (38-súwret).

38-súwret. Meyozdıń kórinisi. 1-diploidlıq xromosomaǵa iye kletka; 2-xromosomanıń eseleniwi; 3-xromosomalardıń końyugaciyası; 4-meyozdıń birinshi bóliniwiniń ekinshi dáwiri; 5-meyozdıń birinshi bóliniwiniń nátiyjesinde payda bolǵan kletkalar; 6-meyozdıń ekinshi bóliniwinen keyin payda bolǵan kletkalar; 7-spermatozoidlar.

Jumıs boyınsha sorawlar hám tapsırmalar:
1. Kletkalardıń bóliniw ózgeshelikleri nede?
2. Mitoz bóliniw haqqında túsinigińiz?
3. Xromosomanıń juqa dúzilisi hám olardıń mitozlıq cikldaǵı ózgerisleri qanday?
4. Mitoz, onıń morfologiyası hám fiziologiyalıq áhmiyeti nede?
5. Mitozdıń meyozdan ózgesheligi?
6. Meyozdı túsindirip beriń?
7. Piyaz qabıǵı kletkaları mitozı?
8. Haywan tuqımlıǵı kletkaları mitozı?
9. Askarida máyekleri bólshekleniwindegi mitoz?
10. Kól baqası sidik quwıǵı kletkalarındaǵı amitoz?
11. Kletka tartılıwı, xromosoma hám kletka orayı?
12. Kletkalardıń amitoz bóliniwiniń ózgeshelikleri nede?
13. Kletkalardıń meyoz bóliniwi?
14. Spermatogenezdi túsindirip beriń.
15. Oogenezdi túsindirip beriń?
16. Meyozdıń áhmiyeti nede?