7-Мавзу: Узатмалар ва Карданли узатма. Режа

7-Мавзу: Узатмалар ва Карданли узатма.
Режа:

1. 
   Узатмалар кутиси.
   
2. 
   Узатмалар кутисининг конструкцияси.
   
3. 
   Погонасиз узатмалар кутисининг тузилиши ва ишлаш услуби.
   
4. 
   Синхронизаторларнинг тузилиши ва ишлаш услуби.
   

Автомобиль ҳаракатланиш шароитлари турли оғирликларда бўлади. Турли шароитларда тезлик, тортиш кучлари кенг диапазонда ўзгаради. Бу шароит ўзгаришлари учун зарурий момент ва тезликни двигатель таъминлай олмайди. Диапазонни енгил автомобилларда 3...5 марта, юк автомобилларида 7...20 марта катталаштириш талаб этилади. Двигатель момент ва тезлик диапазонини бир неча марта катталаштириш учун узатмалар қутиси хизмат қилади.

Узатмалар қутиси узатишлар сонини кенг диапазонда ўзгартирувчи конструкциядир.
Узатишлар сони қутига кирувчи валнинг айланиш тезлигини чиқиш валининг айланиш тезлигига нисбати билан аниқланади (3.5-расм). Ҳар жуфт шестернянинг узатиш сони иккига тенг. Икки жуфт шестернянинг умумий узатиш сони тўртга тенг бўлади. Тезлик неча марта камайса, узатилаётган момент шунча марта ортади.

10.1-расм. Икки жуфт шестернядан узатишда айланма тезликнинг ўзгариши

Автомобилнинг етакчи гилдиракларидаги буровчи моментни ва тезлигини узгартириб туриш учун, керакли пайтда уларнинг йуналишини хам узгартириб бериш ва автомобил тухтаб турганда ёки инерция билан юриб кетаётганда салт ишлаб турган двигателнинг тирсакли валини куч узатмадан узок муддатга ажратиб куйиш вазифасини бажаради.

7.2.Погонали механик узатмалар кутисининг тузилиши ва ишлаш услуби

Автомобилларда асосан тишли механизмга эга булган погонали узатмалар кутиси ишлатилади. Бундай узатмалар кутисида автомобилнинг хар хил йул шароитида турлича тезлик ва тезланишини таъминлаш учун узатиш сони хар хил кийматга эга булган бир нечта жуфт тишли шестернялардан фойдаланилади. Енгил автомобилларда кулланилган узатмалар кутиси уч, турт, ёки бешта погонали, юк автомобилларида эса турт, беш, баъзан саккиз ва ундан хам купрок булиши мумкин. Узатмалар кутиси канча куп погонали булса, автомобил турли йул шароитига бемалол мослашиб ишлайди, бу эса двигателнинг кувватидан унумли фойдаланишни яхшилайди хамда ёнилги сарфини камайтиради.