7-sinf jahon tarixi 2017 qo`llanma (TO`liq 1-44-§§.)

Ikkinchi va uchinchi salib yurishlari.

№	Qaysi salib yurish	Qachon bo`lgan	Qo`shimcha ma`lumot
1	Ikkinchi salib yurishi	XII asr o‘rtasi	Fransiya qiroli o‘z qo‘shini bilan ishtirok etgan bu yurishlar muvaffaqiyatsiz tugagan.
2	Uchinchi salib yurishi	1189–1192-yy	Ammo german imperatori, Fransiya qiroli va Angliya qiroli ishtirokidagi bu yurishlar ham muvaffaqiyatsiz tugaydi

• 
  Misr sultoni Salohiddin Ayubiy 1187-yilda salibchilardan Quddusni tortib oladi. Bu voqea Yevropada 3-salib yurishlari (1189–1192) tashkil qilinishiga olib keladi
  

21-§. KEYINGI SALIB YURISHLARI
To‘rtinchi salib yurishlari (1202–1204).
XII asr oxirida papa Innokentiy III yangi salib yurishlarini tashkil etishga kirishadi. Salibchilar qo‘shinni Venetsiya bilan dengiz orqali kemalarda Falastinga olib o‘tishga kelishib, 85 ming kumush marka pul to‘lashni zimmalariga oladilar. Kelishilgan pulning deyarli 1/3 qismini to‘lay olmagan salibchilar yurishlar boshlanishidanoq Venetsiyaning savdodagi asosiy raqibi Vizantiyaga qarshi urush boshlashga majbur bo‘ladi. Urush boshlash uchun esa ukasi tomonidan taxtdan tushirilib, ko‘ziga mil tortilgan Isaak II Angelga toj-u taxtni qaytarish bahona bo‘ladi. To‘rtinchi salib yurishi qatnashchilari hisoblangan ritsarlar qo‘shini Konstantinopol devorlari ostiga kelib tushadi va 1204-yilda shaharga hujum boshlaydi. 20 minglik qo‘shin 0,5 million aholisi bo‘lgan shaharni egallashga muvaffaq bo‘ladi. Konstantinopol asos solinganidan buyon ilk bor dushman o‘ljasiga aylanadi.