7 Tish kasalliklarida. Xasanova G

Behi  -  Cydonia  oblonga  Mill.  (ruscha  -  ayva  prodolgovataya; 

tojikcha - bixi; turkmancha - begi). 

Behi  atirguldoshlar  oilasiga  mansub,  bo`yi  12  m  gacha  boradigan 

sershox daraxt. O`simlikning yosh novda va barglari tukli bo`lib, barglari 

tuxumsimon  yoki  keng  ellipssimon.  Ularning  bo`yi  5-10  sm,  eni  7,5  sm 

gacha  bo`lishi  mumkin.  Barglarining  bandi  kalta,  shoxlarda  ketma-ket 

joylashgan. Mevasi tukli, sariq yoki tillarang, og`irligi ba`zida 3 kg gacha 

borishi  mumkin.  Meva  yetilib  pishganida  sershira  bo`ladi,  ularning 

ko`rinishi  yumaloq  yoki  biroz  cho`ziq  bo`lishi  mumkin.  Mazasi 

chuchmal,  biroz  burushtiruvchi.  Mevadagi  urug`lar  bir  nechtadan  bo`lib, 

ularning usti shilliq parda bilan qoplangan bo`ladi. 

---

34 

 

O`simlik  bahor  o`rtalarida  gullaydi,  gullari  pushti  yoki  oq  bo`lishi 

mumkin,  uning  otalik  ustunchalari  binafsha  yoki  sariq  bo`ladi.  Mevasi 

sentyabr - oktyabr oylarida pishib yetiladi, 

Behi O`zbekistonning barcha viloyatlarida yetishtiriladi.  

Behi  mevalarining  shifobaxshligi  qadim  zamondan  ma`lum,  Uning 

mevalari  tarkibida  12%  ga  qadar  qand,  5%  ga  yaqin  organik  kislotalar 

(olma,  uzum,  limon  kislotalari),  efir  moylari,  pektin  va  oshlovchi 

moddalar,  vitamin  S,  temir,  mis,  kaltsiy  tuzlari  mavjud.  Behi  urug`larida 

20%  atrofida  shilliq,  glikozid  amigdalin,  8%  dan  oshiq  moy,  kraxmal, 

oshlovchi va oqsil moddalar, emulsin bor. 

Stomatologiya  amaliyotida  behi  urug`lari  asosida  tayyorlanadigan 

shilliqli  suyuqlik  (5  hissa  behi  urug`ini  100  hissa  suv  bilan  damlab 

chayqash  vositasida  hosil  qilinadi)  o`rab  oluvchi  samarali  omil  sifatida 

deskvamativ  glossit,  gingivit,  parodontit  kasalliklarida  applikatsiya 

(yopishtirish) yo`li bilan foydalanadi. Behi urug`laridan shilliqli suyuqlik 

tayyorlashda  faqat  butun  urug`lardan  foydalaniladi,  chunki  urug`ning 

qobig`i  buziladigan  bo`lsa,  urug`  endospermasidagi  amigdalin  glikozidi 

erib chiqishi mumkin. 

Odatda  behi  urug`lari  mevalardan  ajratib  olingach  (faqat  yetilib 

pishgani  mevalardan  ajratib  olinishi  kerak),  ozoda  sathli  joylarda 

muhofazalangan  ochiq  havoda  yoxud  maxsus  qurituvchi  moslamali 

joylarda (sushilka) quritib mahsulot tayyorlanadi.