8-Маъруза Мавзу: Машиналар яратишда конструкцион материаллардан фойдаланиш

8-Маъруза
Мавзу: Машиналар яратишда конструкцион материаллардан фойдаланиш.
( Маъруза давомийлиги 2 соат )


Маъруза режаси


8.1. Пўлатлар ва чўянлар турларидан фойдаланиш .
8.2. Рангли материаллар ва котишмалардан фойдаланиш
8.3. Нометалл материаллар фойдаланиш
8.4. Материалларни танлаш ва иктисодий асослаш.


Таянч иборалар :

• 
  қора металл, конструкцион, легирланган, углеродли пўлат, махсус пўлат, асбобсозлик пўлатлари, оқ ва кулранг чўян, қуюлувчан чўян, графитли чўян, юқори технологик ва механик хосса;
  
• 
  машинасозлик, енгил қотишма, алюминий-марганец, оғир қотишма, магний титан, чўзилувчан, иссиқлик ва электр ўтказувчанлик, мис-қалай-алюминий қотишмаси, юқори механик ва қуйма манзарали хосса;
  
• 
  материаллар пухталиги, термик-кимёвий,технологик ва ишлатиш, тебранишларни қайтариш, намлик, ишқор, қаттиқ ва аморф, пластик масса, термореактив полимерлар, қолиплаш усули;
  
• 
  ишлаб чиқариш талаблари, бошланғич маълумотлар, материал механик хоссалари, коррозияга барқарорлик, ишчи муҳит, материал физик-кимёвий хоссалари, қурилманинг таннархи, пўлатларга ишлов бериш, чўян ва рангли металлар.
  

8.1. Пулатлар ва чуянлар турларидан фойдаланиш

Замонавий, ракобатбардош машиналар яратишда конструкцион материаллар кенг қўлланилади.

Металлар иккита асосий гурухга: кора ва рангли металларга бўлинади.
Кора металлар темирнинг углерод билан котишмасидан иборатдир. Бундан ташкари уларнинг таркибида оз ёки куп микдорда бошқа химиявий элементлар (кремний, марганец, олтингугурт, фосфор) хам бўлиши мумкин. Кора металларга хос бўлган хусусиятлар бериш учун уларнинг таркибига яхшиловчи ёки легирловчи кушимчалар (никелғ, хром, мисва бошқалар) киритилади. Таркибидаги углерод микдорига караб кора металлар чуянлар ва пулатларга бўлинади.