9 – ma’ruza: temir yo‘llarda avtomatika va telemexanika

Avtomatik blokirovka. Avtoblokirovka
Avtoblokirovkada peregonlar avtomatik tarzda ishlaydigan o‘tish svetoforlari yordamida alohida blok-uchastkalarga ajratiladi. Har bir blok-uchastkaning uzunligi yondosh svetoforlar orasidagi masofaga teng. Uch ko‘rinish signalizatsiyali avtoblokirovkada blok-uchastkalar uzunligi maksimal tezlikda tarkibni to‘liq ishchi (slejebnoe) rejimida tormozlashda o‘tiladigan masofadan kam bo‘lmasligi kerak. Bundan tashqari ushbu masofa avtostop tizimining ishlab ketish vaqtini hisobga olgan holda shoshilinch tormozlash bilan o‘tiladigan yo‘l uzunligidan ham kam bo‘lmasligi kerak. Odatda blok-uchastkalar uzunligi 1000 dan 2000 m gacha bo‘ladi.
Avtoblokirovkada o‘tish signallarining avtomatik tarzda almashinishi har bir blok-uchastkada relsli elektr zanjiri tuzilib, u orqali poyezd svetofor chiroqlarini boshqaruvchi apparatlarga ta’sir etish natijasida sodir etiladi. Relsli elektr zanjiri orqali blok-uchastkalarning bandligi nazoratda bo‘libgina qolmay, balki relsli yo‘llarning butunligi ham nazoratda bo‘ladi (masalan, relsning uzilganligi yoki rels bo‘lagining yo‘qligi, olinganligi ma’lum bo‘ladi).
Amalda qo‘llanadigan relsli elektr zanjirlarning chizmalari juda murkkab. quyidagi rasmda ikki ko‘rinishli avtoblokirovkaning ishlash tartibi va signal ranglarining avtomatik ravishda o‘zgarishi ko‘rsatilgan. Relsli zanjirlar bir-biridan izolyasiyalovchi tutashmalar bilan ajratilgan.
Relsli zanjirda tok manbai sifatida yo‘l batareyasi YB (akkumulyator A va to‘g‘rilagich V lardan iborat) xizmat qiladi. Tokni yo‘l relesi YR istemol qiladi. Avtoblokirovka elektr uzatish tormog‘ining yuqori kuchlanishli signal liniyasi orqali ta’minlanadi.
Agar blok-uchastka bo‘sh bo‘lsa, tok manbaidanrelslar orqali oqayotgan tok yo‘l relesiga qeladi va u o‘zining kontaktlari bilan signal batareyasi zanjirini svetoforning yashil chirog‘i orqali ulaydi. Natijada yo‘l bo‘sh bo‘lganda, ya’ni relsli zanjir butun bo‘lsa svetofor yashil ko‘rinishda bo‘lib poyezdning belgilangan tezlikda harakatlanishiga ruxsat beradi. Agar blok-uchastka harakat tarkibi (poyezd, yoki uning yagona g‘ildirak jufti) bilan band bo‘lsa, yoki rels sinib zanjir butligi uzilgan bo‘lsa, u holda tok yo‘l relesiga etib kelmaydi, rele yakori tushib ketadi va signal batareyasinining zanjiri sveforning qizil chirog‘i orqali bog‘lanadi. Ushbu holat blok-uchastkaning bandligini yoki nosozligini ko‘rsatib svetofor keyingi harakat uchun relsli zanjir tiklanib keyingi harakat uchun ruxsat etiladi.
Temir yo‘l holatini joriy ta’minlash sifati yomon bo‘lsa,shag‘al ifloslangan, izolyasiya materiallari sifatsiz va nosoz bo‘lsa, yo‘l qor va yomg‘ir suvlari bilan ko‘milib qolgan hollarda tokning yo‘l ustki tuzilishi orqali o‘tib ketishi oshib ketadi, yo‘l relesiga oqib boradigan tok pasayib ketadi va u ishlamaydi. Natijada yana svetoforda qizil chiroq yonib yo‘l bandligidan, yoki yo‘lning holati harakat xavfsizligiga tahdid solishidan darak beradi.
Avtoblokirovkaning relsli zanjirlari tok turi va ta’minlash usuliga qarab har xil bo‘ladi. Avtonom lokomotivlar bilan tortish yo‘llarida odatda doimiy tokli zanjirlar qo‘llanadi. Elektrlashtirilgan temir yo‘llarda o‘zgaruvchan tokli relsli zanjirlar qo‘llanadi. Bunda har bir signal rangiga relsli zanjir orqali yuboriladigan kodli (bir, ikki va uch impulsli) signal toki to‘g‘ri keladi. Bunday signal kodlari avtomatik lokomotiv signallashtirish (ALSN) tizimida lokomotiv svetoforining chiroqlarini ham boshqaradi.
Elektrlashtirilgan uchastkalarda relslar bo‘ylab tortish (o‘zgarmas yoki o‘zgaruvchan) toki, hamda avtoblokirovkaning relsli zanjir toklari ham (o‘zgaruvchan) ham o‘tadi. Tortish toklarini avtoblokirovkadagi izolyasiyalovchi tutashmalarni aylanib o‘tishini ta’minlash uchun relsli zanjirlarga drossel-transformator va chastotali filtrlar deb ataluvchi maxsus asboblar ulanadi.
Avtoblokirovka bir va ikki yo‘llik bo‘lishi mumkin. Bir yo‘llik avtoblokirovka doimo ikki tomonli bo‘lib (svetoforlar yo‘lning ikki tomonidan o‘rnatiladi) bir yo‘l bo‘ylab poyezdlar harakatini ikki tomonlama bajarish imkonini beradi. Bunda svetoforlar harakat yo‘nalishi bo‘ylab bir tomonga ochilgan bo‘ladi va qarama-qarshi tomon svetoforlari o‘chiriladi. Orqa tomonga poyezd jo‘natish uchun stansiya navbatchisi oxirgi poyezd etib kelib peregon bo‘shagandan keyin apparatda yo‘nalishni o‘zgartiruvchi tugmani bosadi. Bunda Ushbu stansiyadan jo‘nash yo‘nalishi bo‘yicha svetoforlar yonadi va qarshi tomon svetoforlari o‘chadi.
Ikki yo‘llik uchastkalarda ikki tomonli va bir tomonli (svetoforlari yo‘lning faqat bir tomonidan o‘rnatilgan) avtoblokirovka turlari qo‘llanishi mumkin. Odatda signal chiroqlari doimo yonib turadigan avtoblokirovka qo‘llanadi.
Avtoblokirovkaning ikki, uch va to‘rt xil rangli signal belgili turlari mavjud. Ikki xil signal rangli avtoblokirovka asosan metropoliten yo‘llarida qo‘llanib, poyezdlar orasidagi intervalni qisqartirishga imkon beradi. Ikki belgili avtoblokirovkaning ishlash tartibi va prinsipial tuzilishi yuqorida keltirilgan edi. Ikki belgili avtoblokirovkada faqat yashil va qizil ranglar qo‘llanilib, poyezdlarning yashil ranga belgilangan tezlikdagi harakati ikki blok-uchastka bilan chegaralanadi. Poyezdlar orasidagi bunday qisqa masofa va vaqt oralig‘i yo‘lovchilar oqimi juda ko‘p bo‘lgan serqatnov vaqtlarda yo‘lning tashish qobiliyatini etarlicha oshirish imkonini beradi. Harakat xavsizligini ta’minlash uchun metro poyezdlari har turli tezkor va avtomatlashgan tormozlash tizimlari bilan jixozlangan bo‘ladi.
Magistral temir yo‘llarda asosan uch va to‘rt signal belgili avtoblokirovka qo‘llanadi. Uch xil signal belgili avtoblokirovkada poyezdlarning yashil rangga belgilangan tezlikdagi harakati uch blok uchastka bilan chegaralanadi. Signal qizil, sariq va yashil ranglardan iborat bo‘lib, yashil rang belgilangan tezlikda yurishga ruxsat beradi va oldinda kamida ikki blok uchastka borligini anglatadi. Sariq rang tezlikni kamaytirishni, oldinda faqat bir blok uchastka bo‘shligini va keyingi svetoforgacha to‘xtash imkoni bilan yurish lozimligini anglatadi. qizil rang esa oldindagi blok uchastka bandligini va poyezd signal oldida to‘xtashi kerakligini anglatadi. ikki, uch va to‘rt xil signal belgili avtoblokirovka turlarining chizmalari ko‘rsatilgan. Uch xil signal belgili avtoblokirovkada poyezdlar orasidagi interval 8-10 minut yo‘lning sutkali o‘tkazish qobiliyati 180-144 poyezdni tashkil etadi.
Katta shaharlarga yaqin, tezyurar yo‘lovchi va shaharatrof poyezdlarni serqatnov uchastkalarida ko‘proq to‘rt xil signal belgili avtoblokirovka qo‘llanadi. Bunda yashil rangga tezkor harakat to‘rt blok uchastka bilan chegaralanadi, harakat intervali katta tezlik hisobiga 6 minutgacha kamayishi mumkin. Ushbu turdagi avtoblokirovkada tezyurar yo‘lovchi poyezdlarining tormozlab tezlikni kamaytirishi birgalikda yonadigan sariq va yashil rangli svetofordan boshlanishi kerak. Shundagina poyezd sariq rangli svetoforga kichik tezlida etib kelishi mumkin. To‘rt xil belgili avtoblokirovkada yashil rang oldinda kamida uch blok uchastka bo‘shligini, birgalikda yonadigan sariq va yashil rang – ikki uchastka bo‘shligini, sariq rang esa faqat bir blok uchastka bo‘shligini anglatadi. Blok uchastkalar uzunligi muomaladagi poyezdlar uzunligiga qarab birmuncha qisqa bo‘lishi mumkin.
Avtoblokirovkaning yana bir xususiyati, biror svetoforning chirog‘i yonmay qolgan holatlarda uning ko‘rinishi oldingi svetoforga uzatilishi va keyingi yillarda avtoblokirovkaning yanada takomillashgan va yuksak sifat bilan ishlaydigan turlari yaratilib qo‘llanilmoqda.