9 lekciya tema: plastmassalardí alíw usíllarí Joba

Boyaw - buyımdı boyawǵa salıp alıw, sebiw, chyotka menen boyaw arqalı ámelge asırladı. Biraq kóbinese óndiriste reńli polimerler isletiledi.
Íssılıq penen qısıw - bul boyawlı suwretti úskeneniń ústki bólegine metallı yamasa
pigmentlengen folganı basım astında ıssı shtamlaw bolıp tabıladı. Íssılıq penen qısıwda bir reńli yamasa kóp reńli tegis yamasa relefli súwretler polistrol, termoplastlar ústinde boladı.
Qáliplew. Qáliplew arqalı plastmassalardan quramalı formalı úlken buyımlar alınadı. Bul usılda buyımnıń modeli (qálipi) maydalap qırqılǵan talshıq, epoksid smola hám qatırǵısh aralaspası menen oraladı. Onıń ushın arnawlı búrkegishten paydalanıladı. Zárúrli materiallar suyıq jaǵdayda búrkegishtiń aralastırıw kamerasına beriledi, onnan bolsa qısılǵan hawa basımı astında búrkegishtiń ush bólegi arqalı model sırtına búrkeledi nátiyjede modeldiń sırtı aralaspa menen bir tegis oraladı hám qatıp, kerekli buyım alınadı.
Basım astında quyıw. Basım astında quyıw usılı túrli plastmassalar, polietilen, kapron hám detallar tayarlawda qollanıladı. Quyıw mashinasınıń cilindrida plastmassa zárúr temperaturaǵa shekem qızdırıladı hám júdá jabısqaq jaǵdayǵa
keltiriledi. Sonnan keyin plastmassa press-qálipke basım astında toltırıladı. Buyım qatqannan soń, qálip ashılıp, tayın buyım shıǵarıp alınadı. Házirgi waqıtta ámeldegi quyıw avtomatlarında saatına 2000 danaǵa shekem buyım islep shıǵarıladı. Bul usılda alınǵan buyımlar tıǵız, tegis hám anıq shıǵadı.
Basımsız quyıw. Basımsız quyılıw quyma buyımlar alıwda isletiledi. Plastmassanıń strukturalıq bólimleri aralaspası suyıqlandırıladı hám tiyisli qáliplerge quyıladı, qatqannan keyin qálipten ajıratıp alınadı hám kerekli bólimlerge islew beriledi.
Presslew. Presslew usılında qızdırılǵan press-qálip boslıǵına tiyisli material salınıp, basım menen basıladı. Qızdırılǵan press material qálip boslıǵın toltıradı hám ol qatqannan soń basım alınıp, buyım ajratıladı.
Svarkalaw. Svarkalaw usılında termoplastdan tayarlanǵan detallar elektr -kontakt usılınan paydalanıp jalǵanadı. Termoreaktivlik plastmassalardı kepserlew bolsa joqarı jiylikli tok yamasa ultradawıs arqalı ámelge asırıladı.