9-sinf Sinf soati ish reja va konspekt 2023-2024-yil

Reproduktiv salomatlikni tashkil etuvchi omillar deganda quyidagilar 
nazarga tutiladi: 
1. 
Kontratsepsiya xizmati bu istalmagan homiladorlikning oldini olish bo‘lib, hozirgi kunda 
kontratseptiv vositalarning ko‘plab turlari mavjud bo‘lib, ulardan mamlakatimizning har bir 
nuqtasida ayollarimiz salomatligi uchun ular bepul foydalanish imkoniyatiga ega. Ulardan 
bachadon ichi vositalari (BIV), og‘iz orqali qabul qilinadigan gormonal tabletkalar (OK), 
in’eksion vositalar (IK), to‘siq usullari (prezervativ), qolaversa, ixtiyoriy jarroxlik 
sterilizatsiyasi (IJK) zamonaviy laporoskopik usulda amalga oshiriladi. 
2. 
Ayolni homiladorlik davrida erta hisobga olish, homiladorlikni kuzatish, tug‘ruqqa 
tayyorlash, tug‘ruqdan keyingi chilla davrini olib borishni o‘z ichiga oladi. Homilador ayolni 
homiladorlikning 14-20 haftaligida perinatal skrining tekshiruvidan, chaqaloq tug‘ilgandan 
keyin 5 kun ichida neonatal tekshiruvidan o‘tkazilishi bolalikdan nogironlikni oldini olish 
uchun zamin yaratadi. 
3. 
Ayollarni jinsiy yo‘l orqali yuquvchi kasalliklar OIV , OITS va TORCH infeksiyalarga 
tekshirish va davolash. Bu bilan homila tushishi, o‘lik tug‘ish, homilaning nuqsonli 
rivojlanishi, homilaning o‘smay qolishi hamda bepushtlik oldi olinadi. 
4. 
Xalqning tibbiy madaniyatini oshirish ayniqsa, mahallalar, kollej, maktab, oliygohlar 
bilan ishlash, ular orasida tibbiy ko‘riklarning ahamiyati va buning uchun har bir insonning 
o‘zi mas’ul ekanligini tushuntirish. 
Xulosa: 
Muxtasar qilib aytganda, mamlakatimizda aholi reproduktiv salomatligiga erishish sog‘lom 
turmush tarzini shakllantirish va targ‘ib qilish, turli xil kasalliklarni oldini olish, xotin-qizlar 
salomatligini mustaxkamlash sog‘lom avlodni tarbiyalash borasidagi keng ko‘lamli ishlar barcha 
yo‘nalishlarda kompleks ravishda xotin-qizlar ko‘mitalari, mahalla jamg‘armalari, Kamolot 
yoshlar harakati hamda tibbiyot xodimlarining faol ishtirokida amalga oshirilmoqda. Bu esa 
davlatimiz raxbari tomonidan mamlakatimiz aholisi, birinchi navbatda, xotin-qizlar va bolalar 
salomatligini yaxshilash borasida ko‘rsatilayotgan doimiy g‘amxurligining samaralaridir. Zero, 
Vatanimiz kelajagi ana shunday sog‘lom onalar va bolalarga bogliq.