A rafiyev, G. Muxamedjanova ta’lim rus va qardosh tillarda olib boriladigan maktablarning

3-
mashq.
Quyidagi gaplarni o‘qing, daftaringizga ko‘chiring. Izohlov-
chilarni aniqlab, tagiga chizing.
1. Akademik Pavlov sutga „Tabiat tomonidan tayyorlangan ovqat!“ 
deb baho bergan edi.
2. Shokir aka yozuvchi Sadriddin Ayniy, Abdulla Qodiriy bilan 
sirdosh edi.
3. Ulug‘ o‘zbek shoiri Alisher Navoiy o‘z ijodi bilan o‘zbek ada-
biyoti va o‘zbek tilini yangi taraqqiyot bosqichiga ko‘tardi.
4. Bugun sizni kutar maktab — darsxona.
5. O‘zbek shoirasi Zulfiya Neru mukofotini olishga sazovor bo‘ldi.
6. Butun olamni boqib katta qilgan onani — ayolni ko‘klarga 
ko‘taraylik.
Uyga vazifa. „Mening burchim“ mavzusida matn yarating. 
2 - d a r s
1-modda. O‘zbekiston — suveren demokratik respub 
lika.
4-modda. O‘zbekiston Respublikasining davlat tili o‘zbek tilidir.
5-modda. O‘zbekiston Respublikasi qonun bilan tas 
diq 
langan o‘z 
davlat ramzlari — bayrog‘i, gerbi va madhiyasiga ega.
29-modda.
Har kim fikrlash, so‘z va e’tiqod erkinligi huquqiga ega.
41-modda. Har kim bilim olish huquqiga ega.
Bepul umumiy ta’lim olish davlat tomonidan kafolatlanadi. 
Maktab ishlari davlat nazoratidadir.
Bilasizmi? 
4 – O‘zbek tili 9-sinf
http://eduportal.uz

---

50
Lug‘at
50-modda. Fuqarolar atrof tabiiy muhitga ehtiyotkorona munosabatda 
bo‘lishga majburdirlar.
66-modda. Voyaga yetgan, mehnatga layoqatli farzandlar o‘z ota-
onalari haqida g‘amxo‘rlik qilishga majburdirlar.
3-
topshiriq. 
Matnni o‘qing. Matn yuzasidan berilgan savollarga og‘- 
zaki javob bering.
Burch
Burch har bir kishining o‘z vazifalarini to‘liq bajarish, odamlarga 
to‘g‘ri munosabatda bo‘lish kabi fazilatlarni ifoda etadi. Burch 
shaxsning jamiyatga bo‘lgan munosabatida namoyon bo‘ladi.
Aql-zakovat, tafakkur asosida va ularga tayanib o‘z burchini bajarish 
faqat insongagina xos.
Burch shaxsning axloqiy faoliyatini ifodalovchi mas’uliyat, onglilik, 
vijdon kabi fazilatlar bilan cham 
barchas bog‘liqdir. O‘z burchiga 
sodiqlik har bir kishiga obro‘ hamda shon-sharaf keltiradi. Har bir 
insonning o‘z burchiga sodiqligi o‘ziga, jamiyatga, Vatanga, oilaga, 
farzandlariga bo‘lgan munosabatida namoyon bo‘ladi. Burch – 
muqaddas. Burchga sodiqlik Vatanga sodiqlikdir. O‘z burchiga sodiqlik 
har bir kishining odobi, axloqini ifodalaydi, ammo o‘z burchini 
bajarmagan kishilar xalq orasida hurmat topmaydi.
Burch o‘z-o‘zidan shakllanmaydi, balki tarbiya jara 
yonida kamol 
topadi. Burchni tarbiyalash jarayonida o‘z-o‘ziga talabchanlik 
rivojlanadi. Natijada har bir kishida o‘z ishiga, bilimiga va kuch-
quvvatiga ishonch qaror topadi. O‘z burchini bilgan kishi o‘zining 
to‘g‘riligi bilan ishdagi kamchiliklarni ochib tashlaydi hamda nojo‘ya 
harakat qilayotgan kishilarga murosasiz bo‘ladi. Burchiga sodiq kishi 
birovlarni ranjitmaydi, boshqalarni xafa qilmaydi va sabr-toqatli 
bo‘ladi.
(„Vatan tuyg‘usi“ kitobidan)