Assotsiativ psixologiya – assotsiatsiyalar tushunchasining asosiy bosh jarayoni deb hisoblovchi, ilmiy–g’oyaviy mohiyati jihatidan turlicha bo’lgan psixologik oqimlar yig’indisi.
Assotsiativ tormozlanish – muayyan shartli qo’zg’ovchi bilan unga xos malakalar o’rtasida hosil bo’lgan mustahkam shartli bog’lanish yoki assotsiatsiyalarning yangi malakalar hosil qilishga salbiy ta'sir ko’rsatishdan iborat qonuniyat. Masalan, alfaviti ma'lum tartibda joylashgan mashinkada yozishga o’rgangan kishi alfaviti boshqa tartibda bo’lgan mashinkada avvalgicha malaka bilan tez yoza olmaydi, harflarni almashtirib yuboradi, demak, bunda assotsiativ tormozlanish hodisasi ro’y beradi.
Astenik – biror psixopatologik sababga ko’ra, jismoniy yoki psixik tomondan ojiz bo’lib qolgan odam; xasta odam.
Axloq – muayyan ijtimoiy–iqtisodiy formatsiyada yashash uchun jamoatchilik tomonidan tarixan ishlab chiqilgan va qabul qilingan tartib-qoidalar yig’indisi. Har qanday jamiyatning o’z axloqi bor.
Axborot (lat. Informare – xabar silish) – ob'ektiv voqelikdagi narsa va hodisalarning, ichki organlarda hosil bo’lgan fiziologik, kimyoviy, mexanik uzgarishlarning analizatorlarimizga ta'sir qilishi natijasida ongimizda hosil bo’ladigan har qanday xabar signali.
Aqidaparastlik – aqidalarga, diniy e’tiqodga asoslangan, ilmiy hamda progressiv narsalarga tubdan qarshi bo’lgan diniy tafakkur.
Do'stlaringiz bilan baham: |