Adabiyot 6 (Turkm). indd

EZIZ WATANYM MENIŇ
Däp-dessury birmeňzeş,
Bu watan dünýäň görki,
Her ülkesi bir güneş,
Damarda ganym meniň.
Prezidenti ýürekdeş, 
Eziz Watanym meniň.
Ak altynyň mekany,
Gurulgy dur dükany. 
Asmany, ýeri ýagty,
Bir allanyň ýalkany,
Saglyk ilimiň bagty,
Eziz Watanym meniň.
BAHAR DILEGLERI
Öňüňden çykanda watandaşlaryň,
Görsün gülüp duran tämiz ýüzleriň.
Sen olaryň şatlygyna begenip,
Diňe ýagşylygyn görsün gözleriň.
Bu dünýäni söýüp näçe ýaşasaň,
Galsyn seniň munda baky yzlaryň.
Ownuk-uşak, bolar-bolmaz zatlara,
Asyl bükülmesin seniň dyzlaryň.
Zähmet çekip, deriň döküp ýaşasaň,
Batyr bolup, paýyn alsyn elleriň.
Söz sözleseň deňi-duşuň içinde,
Ýagşylykdan bolsun asyl sözleriň.
Gary egsilmeýär beýik daglaryň,
Miwesi bihasap munda baglaryň.
Gelin-gyzyň süýji sözli, mähirli,
Gülden dolup gelsin goýny baharyň.
Soraglar we ýumuş:
1. Şahyr Watany hakda nähili pikirleri orta atýar?
2. “Bahar dilegleri” goşgusynda nähili bolmaklyga ündeýär?
3. Goşgylary labyzly okap, mazmunyny düşündiriň.

---

157
SAPARMYRAT 
NURYÝEW
(1961)
Şahyr Saparmyrat Nuryýew 1961-nji ýylyň 7-nji aw-
gustynda Garagalpagystan Respublikasynyň Dörtgül etrabynyň 
Kelteminar obasynda daýhan maşgalasynda dünýä inýär. Ýedi 
ýaşyna çenli ata-enesiniň terbiýesinde bolup, 1968 – 1978-nji 
ýyllar aralygynda obalaryndaky umumy bilim berýän 10-njy 
orta mekdepde okap, orta maglumata eýe bolýar.
Onuň edebiýata, döredijilige bolan söýgüsi ýaşlykdan, 
ýagny mekdep ýyllaryndan oýanyp başlaýar. Ol deň-
duşlarynyň arasynda özüniň ilkinji goşgulary, çeper 
okaýyşlary bilen tanalyp ugraýar. Esasan hem edebiýat 
mugallymy oňa ýakyndan kömek berýär. Bu bolsa onuň 
edebiýat sapaklarynda türkmen klassyk edebiýatynyň hem-
de häzirki zaman şahyrlarynyň goşgularyny ýatdan labyz-
ly, çeperçilik bilen okap, edebiýata, döredijilige bolan uly 
höwesiniň döremegine we ösmegine getirýär.
S.Nuryýew 1980 – 1982-nji ýyllarda Watan gullugynda 
hyz mat edýär. 1985 – 1988-nji ýyllar Aşgabat şäherinde 
ykdysady-maliýe tehnikumynda okap, ýörite orta maglu-
mata – maliýe hasapçysy kesbine eýe bolýar. Soňra özüniň 
dogduk Watany Dörtgül etrabynyň Ý.Ilamanow hojalygyna 
gelip, öz kesbi boýunça işe girip, şol ýerde zähmet çekýär.
Onuň döredijiliginde watan, dostluk, söýgi… tema lary 
töwerekleýin işlenen bolup, Watanymyzyň dürli baýram-
çylyklarynda çykyş edip gelýär.

---

158
Şahyryň ilkinji goşgulary «Mydam taýýar» gazetinde çap
edilýär. S. Nyryýewiň häzirki döwürde ýazan goşgulary 
Gara galpagystan Respublikasy Türkmen Milli Mede-
ni Merkeziniň «Mekan» gazetinde hem-de Özbegistan 
Respublikasynyň «Türk men sesi» radiosynda mydama 
ýaňlanýar.