Adabiyot 6 (Turkm). indd

Soraglar we ýumuşlar:
1. Şahyr goşguda nämeleri öwüt-nesihat edýär?
2. Şygyr haýsy temada ýazylypdyr?
3. Goşgynyň mazmunyny dilden beýan ediň. Labyzly okaň.
Nowaýy
Şygryýet bossanynyň bagbany,
Hezreti Mir Alyşir Nowaýy.
Týan-Şanyň, Elbrusyň dagdany,
Gazal mülküniň şasy – Nowaýy.
Özbegiň ogly, jahan guwanjy,
Ýaraly köňülleriň daýanjy,
Gelmez ýanyňa gaýgy-gam, ünji,
Türkmeniň şirin sazy – Nowaýy.
Pähim-paýhasyňa ýugrulan sözler,
Aklyňa kaýyl şol gara gözler,
Her bent içinde gymmatly dürler,
Söz göwheriniň piri – Nowaýy.
Öçmez kalp mähiri, mukamlar başy,
Ýürek sezasy syndyrar daşy,
Ömrüň bakydyr, ýaşaber ýaşy,
Poeziýanyň özi – Nowaýy. 
Soraglar we ýumuşlar:
1. Alyşir Nowaýy kim? Şahyr ony nähili wasp edýär?
2. Nowaýyny türkmenler näme üçin ýagşy görýär?
3. Goşgyny labyzly okaň we derňäň.

---

153
GURBANBERDI
WELBEGOW
(1952)
Şahyr, terjimeçi Gurbanberdi Welbegow 1952-nji ýylyň 
1-nji iýulynda Garagalpagystan Respublikasynyň Dörtgül 
etrabynyň Kelteminar obasynda daýhan maşgalasynda dünýä 
inýär. 1958 – 1968-nji ýyllarda öz obasyndaky umumybilim 
berýän 10-njy mekdepde bilim alýar. Soňra edebiýata bo-
lan höwesi ony Magtymguly adyndaky Türkmen döwlet 
uniwersitetiniň türkmen fi lologiýasy fakultetine eltýär. Ol taly-
plyk döwründe edebiýat birleşmesiniň höwesjeň agzalarynyň 
biri bolup, geçirilýän edebi agşamlara işeňňir gatnaşýar.
Okan döwründe goşgy düzüliş formalaryny, tärlerini 
mugal lymy – meşhurlyk gazanan türkmeniň şirin labyzly 
şahyrlarynyň biri Halyl Kulyýewden öwrenýär. 
Ýokary okuw jaýyny üstünlikli gutaryp, Dörtgül etrabynda-
ky «Hakykat» orta mekdebinde Halk magaryfynyň ýollanmasy 
bilen, türkmen dili we edebiýaty mugallymy bolup işe başlaýar.
Şahyryň 2006-njy ýylda «Obadaşlarym» atly ilkinji goşgular 
ýygyndysy neşir edildi. Onuň terjime eden Özbegistanyň 
halk şahyrlary M.Ýusubyň we Y.Mürzäniň goşgular ýygyn-
dysy (2014-2015-nji ý.) çap edildi. G.Welbegow «Özbegistan 
Respublikasynyň halk magaryfy otliçnigi», «Garagalpagystan 
halk magaryfy otliçnigi» diýen nyşanlar bilen sylaglandy. 
2006-njy ýylda Garagalpagystan Bilim ministrliginiň «Wa-
tanymy wasp edýärin» atly bäsleşiginde baýraga mynasyp 
boldy. 

---

154
Häzirki döwürde şahyryň goşgulary Garagalpagystan Res-
publikasynyň Türkmen Milli Medeni Merkeziniň «Mekan» 
gazetinde ýygy-ýygydan peýda bolýar. Daşkent radiosynyň 
türkmen gepleşikleri bölüminde tiz-tizden efi rde ýaňlanýar.
Zähmetsöýer, ezber pedagog, poeziýa aşygy Gurbanber-
di Welbegow:
Söz bilen bogýar,
Güllerden desse.
Näme diýseň-de,
Kärine ussa – 
diýip, K.Ubaýdullaýew adyndaky Garagalpagystan Re-
spublika pedagoglaryny gaýta taýýarlaýyş we hünäri-
ni kämilleşdiriş institutynyň uly mugallymy Gurbanmät 
Aşyrow oňa şeýle taryp berýär.