Adabiyot 6 (Turkm). indd

Soraglar we ýumuş:
1. Şahyr nirede dünýä inýär?
2. Ol nirelerde bilim alýar?
3. G.Welbegowyň şahyrçylyk zehniniň ösmeginde kimiň 
täsiri güýçli bolupdyr?
Mekan eýledim
Dünýäniň köp ýerin aýlanyp görüp,
Daşkendime baryp, seýran eýledim.
Ele galam alyp, göwnüm joşanda,
Gül Watanyň waspyn beýan eýledim.
Okanym Nowaýy, Berdak, Abdylla
1
,
Asyrlary bir-birine sepledim.
Bu mekany kalbym bilen suwaryp,
Ondan size süýji bir nan eýledim.
Okap Magtymguly, Mollanepesi,
Kemineden şorta sözi sözledim.
1
Abdylla Arypow – Özbegistanyň halk şahyry.

---

155
Söýüp bu zemini asmany bilen,
Özüm üçin jennet mekan eýledim.
Obamyz Keltemnar, etrabym Dörtgül,
Şu mekanda ýaşlygymdan ýaýnadym.
Ybraýym agamyz waspyn ýetiren,
Garagalpak ilin mekan eýledim.
Soraglar we ýumuş:
1. Şahyr öz Watanyny çeper sözüň üsti bilen nähili surat-
landyrýar?
2. Goşguda haýsy şahyrlaryň ady getirilýär? Siz olary 
bilýärsiňizmi?
3. Goşguda atlary agzalan şahyrlar barada gürrüň beriň.
Razy men senden
Maňlaýymdan sypap, gülende güldüň,
Meni durmuş gazanynda gaýnatdyň.
Gujagyňda ösüp, dünýäni söýdüm,
Ýaşaýan gül Watan, razy men senden.
Mydama halallyk boldy baýdagym,
Seniň gözelligiň gördi gözlerim.
Meniň üçin gujagyndan ýer beren,
Söýenim bu Watan, razy men senden.
Gündiz gülleriňi söýdüm hyrydar,
Gijeleriň bolsun mydam bagtyýar.
Dagyňy, bagyňy söýdüm elmydam,
Şonuň üçin Watan, razy men senden.
Özge ýerde diýselerem jennet bar,
Jennetim şu Watan, munda gudrat bar,
Menem gujagyňda bagtymy tapyp,
Ýaşaýan gül Watan, razy men senden.

---

156