Adabiyot toshkent – 2022 10

O‘ylab ko‘ring:
Hukmdor sulolalarning muntazam almashishi, o‘lkadagi qonli ku­
rashlarning ilm­fan rivoji va ma’naviy hayotga salbiy ta’sirini qanday 
izohlaysiz?
XIV asrdan XX asr boshlarigacha bo‘lgan davr adabiyoti asosan liri-
ka (she’riyat) yetakchilik qilgani bilan ajralib turadi. Bu davrda mumtoz 
adabiyot vakillari lirik turning g‘azal, ruboiy, qit’a, tuyuq, fard, muxam-
mas singari poetik janrlarida faol ijod qildilar. Mumtoz adabiyotning bu 
go‘zal namunalari hozirgi kunda ham xalqimiz tomonidan sevib o‘qiladi, 
ular asosida kuylangan qo‘shiqlar esa milliy madaniy merosning bebaho 
mulkiga aylangan.
O‘ylab ko‘ring:
Bu davr adabiyotida lirikaning yetakchilik qilgani sabablari nimada 
bo‘lishi mumkin?
O‘zbek mumtoz so‘z san’atining eng gullagan davri Temuriylar hukm-
ronligi davriga to‘g‘ri keladi. Temuriy shahzodalar orasida adabiyotga, 
san’atga yaqin kishilar ko‘plab davr ijodkorlariga homiylik qilib, o‘lkadagi 
madaniy hayotning taraqqiy etishiga ulkan hissa qo‘shdilar. Lutfiy, Atoyi, 

---

87
?
Sakkokiy singari ulug‘ allomalar, shoirlar ijodiy merosi, “Suhayl va Gul-
dursun” (Sayfi Saroyi), “Muhabbatnoma” (Xorazmiy), “Gul va Navro‘z” 
(Lutfiy yoki Haydar Xorazmiyga nisbat beriladi) “Yusuf va Zulayho” (shoir 
Durbekka nisbat beriladi) kabi yirik asarlar o‘zbek mumtoz adabiyotini 
yangi bosqichga olib chiqdi. 
XV asrning ikkinchi yarmidagi o‘zbek mumtoz adabiyotining yuk-
salishi Alisher Navoiy nomi bilan ham bog‘liq. Navoiy do‘sti Husayn 
Boyqaro va boshqa mashhur zamondoshlari – adabiyot va san’atning 
benazir vakillari bilan hamkorlikda davr adabiyoti, san’ati, madaniyati 
va ma’naviyatining rivojlanishiga ulkan hissa qo‘shdi. Navoiy yaratgan 
asarlar nafaqat o‘z davri, balki butun o‘zbek va jahon adabiyotining be-
takror javohiriga aylandi hamda keyingi davr adabiyoti taraqqiyoti uchun 
zamin yaratdi.