Иккиламчи (ёрдамчи) занжир – Электростанцияларидаги (подстанчиялардаги) асбоблар ва бошқарув, автоматика, ўлчов, ҳимоя ва сигнализация ускуналарини бир бирига боғловчи симлар ва қисқичлар қатори йиғиндиси.
Юк кўтариш машиналари – барча турдаги кранлар, кранэксковаторлар (ишларни пўлат арқонга осилган илгаклар ёрдамида бажарадиган эксковаторлар) таллар, юк кўтариш лебедкалари.
Навбатчи ходим (навбатчи, оператив) – сменада навбатчилик қилаётган ва тезкор (оператив) бошқарув ва тезкор (оператив) ўчиб–ёқиш ишларига рухсат этилган ходимлар: дипетчерлар, навбатчи муҳандис ва техниклар, смена бошлиқлари, уйда навбатчилик қилувчи ва бошқарув шчитлари навбатчилари, тезкор (оператив) ҳаракатдаги бригада аъзолари. Ушбу қоида матнида юқоридаги ходимларни ажратиш талаб қилинмаса, "навбатчи" термини ишлатилади.
"Зарур", "шарт", "керак" – Ушбу қоида талабини бажарилиши мажбурийлигини билдиради.
"Мумкин", "рухсат этилади" – Ушбу қоида талабини маҳаллий шароитга қараб истисно сифатида мажбуран (ноиложликдан) қўлланилишини билдиради.
Электр майдонини таъсир доираси – Электр майдонини кучланганлигини 5–кВ/м дан кўп бўлган очиқ майдон.
Экранлаш майдони – Электр майдонини кучланганлиги 5 кВ/м дан кам бўлмаган электр майдони таъсир чегараси яқинидаги майдонда жойлашган бино ва иншоотлар, ҳамда ерга уланган металл конструкциялар, ускуна пойдеворлари, трансформаторлар ва йирик габаритли иншоотлар жойлашган майдон.
Кабель узатиш тармоғи – тўғридан– тўғри ер остига кўмилган, кабель каналлари ва қувурлардан ўтказилган шунингдек кабель конструкциялари осилган бир ёки бир нечта кабеллардан иборат электрузатиш тармоғи.
Коммутацион аппаратлар – Электр занжирларини бир–бирига улаш – узиш ва ўзи орқали ток ўтказиш учун мўлжалланган электр аппаратлари (ўчиргич, қувват ўчиргичи, узгич, ажратгич, автомат, пакетли ўчиргич, сақлагич ва ҳоказолар).
Механизмлар – Гидравлик кўтаргичлар, телескопик миноралар, эксковаторлар, тракторлар, автоюклагичлар, бурғилаш–кран машиналари, механик привод ёрдамида узайтириш ёки қисқартириш мумкин бўлган нарвонлар ва ҳоказолар.
Do'stlaringiz bilan baham: |
