Агробизнесни ташкил этиш ва бошқариш тдау-2020 Ўзбекистон республикаси

Унумдорлик – маълум бир вақт мобайнида (соат, чорак, йил, мавсум) бажарилган иш ҳажми. Бир ишчининг иш унумдорлиги – йил, ой, ишлаган киши-соат ҳисобида ўлчанади. Натурал ва қиймат кўринишларда ифодаланади. Унумдорлик кўрсаткичи техника воситаларидан фойдаланиш даражасини тавсифлашда ҳам фойдаланилади.
Устав – иш тартиби, унинг бажарилиши, тадбиқ қилиниши ва ташкил этилишини белгиловчи қонун-қоидалар мажмуи.
Учинчи шахсларнинг ҳаракатлари учун жавобгарлик – умумий фуқаролик ҳуқуқи жавобгарлиги асосларига мувофиқ вужудга келади, қарздор ўзини жавобгарликдан озод қилиши учун ўзининг ҳам, шунингдек учинчи шахснинг ҳам айби йўқлигини исботлаши керак.
Ф
Фавқулодда зарарлар – бу хўжалик юритувчи субъектларнинг одатдаги фаолиятидан четга чиқувчи ҳодисалар ёки операциялар натижасида вужудга келадиган ва рўй бериши кутилмаган одатдан ташқари харажатлар моддаларидир.
Фавқулодда фойда – бу кўзда тутилмаган, тасодифий тусга эга бўлган, ҳодиса ёки хўжалик юритувчи субъектнинг одатдаги фаолияти доирасидан четга чиқадиган тусдаги операциялар натижасида пайдо бўладиган ва олиниши кутилмаган фойдалар.
Фанни ўрганиш усуллари - ишлоқ хўжалик корхоналарида агробизнесни ташкил этиш фаолиятини ўрганишда қуйидаги усуллардан фойдаланилади таҳлил, абстрак рақамлар, маълумотлар йиғиш ва уни ўрганиш.
Фактлар таҳлили усули - кўп тармоқли фермер хўжалигини бошқарув фаолиятига баҳо беришдаги аниқ фактларга таянилади. Фактлар доираси чегаралинмайди, у кўп қиррали бўлиши мумкин. Шулардан эксперт баҳолаш усули ижтимоийтадқиқодлар ўтказишда кенг фойдаланилади. Буларга анкета ўтказиш, суҳбат уюштириш ва бошқаларни олишимиз мумкин.
Фактура – молнинг нархи кўрсатилган тавсифидан ҳамда барча юк маълумотларидан иборат мол ҳужжатлари турларидан бири.
Фармойиш – раҳбар ва унинг ўринбосарлари, шунингдек, функционал ва линия хизматлари раҳбарлари томонидан уларга тегишли тузилмавий бўлинмалар ҳақидаги низом томонидан тақдим этиладиган ҳуқуқлар доирасида чиқариладиган бошқарув ҳужжати.
Фермер хўжалиги – ўзига танлов асосида узоқ муддатли ижарага берилган ер участкаларидан фойдаланган ҳолда қишлоқ хўжалиги товар ишлаб чиқариши билан шуғулланувчи, юридик шахс ҳуқуқларига эга бўлган, мустақил хўжалик юритувчи субъект.