Агробизнесни ташкил этиш ва бошқариш тдау-2020 Ўзбекистон республикаси

Демократик услубнинг қандай белгилари бор?
1) муаммоларни ҳамкорлик равишда ҳал этиш;
2) қабул қилинган қарорларни иш бажарувчиларга яхшилаб тушунтиришга интилиш;
3) қўл остидаги ходимларнинг ташаббусини қабул қилиш ва қўллаш;
4) демократик раҳбар қарор қабул қилишдан аввал, уни хизматчилар орасида муҳокама қилади, уларга жамоадаги ишлар аҳволи ҳақида ахборот бериб боради, бунда у муваффақиятлар ва қийинчиликларни очиқдан очиқ гапириб беради;
5) демократ ўзига айтилган танқидга тўғри ёндашади, хизматчилар билан қилинадиган муомалада ўзининг устунлигини сездирмайди;
6. ўзи қабул қилган қарорлари учун жавобгарликдан қочмайди, қўл остидагиларнинг хатоси учун зарурий жазо белгилайди, яхши томонларини мақтайди, ўз кўрсатмаларини аниқ ва ишонарли ифодалайди;
7) ўта бандликни сохта бунёд этмайди, қўлидан келганича ишлайди, меҳнат қилади.
Демократик услуб тобе ходимларнинг ташаббусларини тараққиёт эттириш, ўз ҳуқуқлари доирасида ўзларини эркин тутишлари учун яхши шароит яратади. Бунда бошқарув жамоаларининг дунё қарашларини умумийлиги ва раҳбарнинг юқори обрўга эгалиги аниқ кўзга ташланади.
Либерал услуб. Либерал сўзи раҳмдил, саҳий, олижаноб деган маънога эга, бу услубнинг хусусияти шундаки, раҳбар ўзини раҳбарлик ҳолатини намойиш этмайди, аксинча, у бундан уялади ва ходисаларнинг ўзи тараққиёт топишига шароит яратиб бериб, уларга аралашмайди.
Қўл остидагиларга ҳурмат билан мурожаат қилади ва «жуда илтимос қиламан» деган сўзни тез-тез ишлатади. Қўл остидагилар фикрини сабр билан тинглайди, улар таклифидан фойдали фикрларни излайди ва уларни ҳаётга тадбиқ қилишга ҳаракат қилади. Ўзининг сиполиги ёки уятчанлиги учун «Биринчи қаторлардан» қочади, ўзини ўзи ошкоралигини ёқтирмайди. Аммо, бу ижобий томонлар тобе ходимларга ёқади ва улар унинг бу хислатларини ўзларига сингдирадилар. Бу каби ёқимли хислатларга қуйидагилар киради:
1. Либерал раҳбар ишда унча фаол эмас:
2. Ҳамма ишларга аралашишни ёқтирмайди:
3. Бегоналар таъсирига осон бўйсинади ва бевақт қабул қилинган қарорлардан тезда воз кечади.
4. Мураккаб вазиятларда иккилана туриб, унда бир фикрга келишлик ва изчиллик хусусияти йўқ.
5. Қўл остидагилар билан муносабатни бузмаслик учун жиддий тадбир ва ҳаракатлардан ўзини тияди.
Раҳбарликнинг либерал услуби раҳбарнинг жамоа фаолиятига минимал аралашуви билан характерланади. Раҳбар бундай ҳолда меҳнат жамоалариуртасида воситачи вазифасини бажаради, ходимларни иш учун зарур ахборот билан таъминлайди. Либерал услуб максад аник ва ходимлар иши индивидуал хусусиятга эга бўлган ҳолдагина қўлланилиши мумкин. Бундай шароитда ходимлар ўз фаолиятини режалаштирадилар ва ташкил этадилар, раҳбарга эса факат зарур холлардагина мурожаат қиладилар. Либерал услуб кўпрок илмий-тадкикот ишларига раҳбарлик қилишда қўлланилади, чунки бу ҳолда ижодий фаоллик ва мустакиллик талаб этилади. Ишлаб чиқариш шароитида либерал услубни қўллаб булмайди(3.9, 3.13).
Амалда аниқ бир услуб соф ҳолда қўлланилмайди кўпҳолларда бир қанча услублар комбинациясидан фойдаланилади. Фаол раҳбар онгли равишда у ёки бу услубнинг ижобий томонларидан фойдаланишга, салбий томонларини бартараф этишга ҳаракат қилади.
Лекин барча услублар бир хил кучга эга деб ҳисоблаш нотўғри бўлади. Доимо раҳбарлик қилишнинг демократик усули афзал кўрилади. Худди мана шу услуб истиқболга эга, уни ривожлантириш ва такомиллаштириш зарур.