Agrosanoat majmuasi potensiali Rej

Respublika agrosanoat majmuasining 1-bo`g`iniga –agrosanoat majmuasi 
tarkibidagi korxonalar uchun ishlab chiqarish vositalarini ishlab chiqaruvchi sanoat 
tarmoqlari. Ular tarkiban qishloq xo`jalik mashinasozlik, traktorsozlik sanoati; kimyo 
sanoati; neft mahsulotlari sanoati, mikrobiologiya sanoati; oziq-ovqat mashinasozlik, 
stanoksozlik sanoati; qurilish materiallari sanoati va boshqalardan tashkil topadi. Ularning 
ko`lami, ayniqsa, mashinasozlik va stanoksozlik sanoati tarmoqlarining ko`lami 
respublikadagi barcha omillarni e'tiborga olgan holda hozircha cheklangan, lekin 
kelajakda rivojlanishi mumkin. 
Shu bo`g`indagi tarmoqlarning asosiy maqsadi – agrosanoat majmuasi tarkibidagi, 
xususan, qishloq xo`jaligi va unga irrigatsiya-melioratsiya, texnika ta'minoti va ta'mirlash, 
kimyolashtirish, zooveterinariya, elektrlashtirish xizmatlarini ko`rsatuvchi hamda qishloq 
xo`jalik mahsulotlarini qayta ishlovchi paxta tozalash sanoati, don mahsulotlari, meva, 
sabzavot, uzum sanoati, go`sht-sut sanoati, yengil va oziq-ovqat sanoati korxonalarini va 
nihoyat, tayyor mahsulotlarni yetkazib berishda zarur bo`lgan ishlab chiqarish vositalari 
(mashina, traktor, stanok, kimyoviy vositalar, yoqilg`ilar, ozuqa moddalari) bilan 
ta'minlashdir. Demak, birinchi bo`g`in tarkibidagi tarmoqlar boshqa tarmoqlarni 
rivojlanishni ta'minlaydigan moddiy-texnika bazasini barpo etishga ulkan hissa qo`shadi. 
Ularning moddiy-texnika bazasi talab darajasida shakllantirilishi natijasida ishlab 

---

chiqarish jarayonlari avtomatlashtirilib, mexanizatsiyalashtirilib, elektrlashtirilib, jonli 
mehnat sarfi qisqartirilib, mehnat unumdorligining yuksalishi ta'minlanadi. Ular shu 
tarmoqlardagi mehnatni xarakterini, o`zgarishiga ta'sir etadi, ya'ni oddiy mehnat 
industrlashgan mehnatga aylanib borishini ta’minlaydi . Bu soha tarmoqlarida minglab 
korxonalar faoliyat ko`rsatib, jami ichki mahsulotning sezilarli qismi yaratilmoqda.