Ахборот ва ахборот технологияси

Шахсий компьютер турлари, асосий ва қўшимча қурилмалари

Шахсий электрон ҳисоблаш машинаси (ШЭҲМ) жамиятни компьютерлаштириш, ахборотлаштиришнинг бош воситаси ва ҳисоблаш техникасининг энг истиқболли авлоди сифатида 70 -йиллар охири ва 80 -йилларнинг ўрталарида кичик ЭҲМлар негизида вужудга келди - яратилди.

Шахсий ЭҲМ терминининг келиб чиқиши жаҳон бозорида АҚШнинг IBM фирмасида "Personal Computer" номли кичик ЭҲМнинг яратилиши билан боғлиқ.
Шахсий ЭҲМнинг дастлабки авлодлари 8-разрядли катта интеграл схемали (КИС) микросхема, микропроцессор комплектлари асосида ҳурилгандир.
Шахсий ЭҲМнинг муваффақиятлари уни ишлаб чиқаришни кенгайтириш ва янги такомиллашган, кенг ишлатиш имкониятларига эга бўлган моделларини яратишга олиб келди.
Ҳозирги пайтда ШЭҲМ моделлари асосан 16, 32 ва 64 разрядли КИС ва жуда катта интеграл схемали (ЖКИС) комплектлар асосида қурилмокда. Шахсий ЭҲМ бир вақтни нг ўзида бир шахснинг ишлашига мўлжалланган бўлиб, оммавий равишда фойдаланиладиган ва бошка ЭҲМлардан арзонлиги, кичик сиғимлилиги, енгиллиги, жуда ҳам ишончли ишлаши, таркибий қисмларини ўзгартириш осонлиги, ривожланган мулоқот воситаларига эгалиги, хотира сигими камида 64 Кбайт бўлганлиги каби белгилар билан фарқ қилувчи ахборотларни қайта ишлаш воситасидир.
Шахсий ЭҲМ асосан қуйидаги қурилмалардан ташкил топади:
- дисплей (монитор);
- клавиатура;
- системали блок.

Бундан ташқари қўшимча қурилмалар: принтер, сканер, модем, сичконча, плоттер ва бошка қурилмалар уланиши мумкин.

Таянч сўз ва иборалар

ЭҲМ,компьютер,ахборот,маълумот,микропроцессор, ҳисоблагичлар,арифмометр,машина,перфокарта, IBM,триггер,иккилик саноқ тизими,бит,байт, ЭҲМ авлодлари,лампа,транзистор,микросхема,микропроцессор,хотира,дисплей(монитор),клавиатура,системали блок, принтер, сканер, модем, сичконча, плоттер, Intel, Pentium, Power PC,дискетлар,оператив хотира