Aholi daromadlari va uning tabaqalanishi

 Aholi daromadlari va uning tabaqalanishi 
 
. 
529 
Farovonlikning eng quyi chegarasini oila daromadining shunday darajasi 
bilan belgilash mumkinki, undan keyin ishchi kuchini takror hosil qilishni 
ta’minlab bo‘lmaydi. Bu daraja moddiy ta’minlanganlik minimumi yoki kun 
kechirish darajasi ya’ni qashshoqlikning boshlanishi sifatida chiqadi. 
Bozor iqtisodiyoti sharoitida o‘rtacha daromad «o‘rtacha sinf» deb 
ataladigan tabaqalar daromadlari bo‘yicha aniqlanadi. Bunday guruh iste’molchilik 
savati to‘plamiga uy, avtomashina, dala hovli, zamonaviy uy jihozlar, sayr qilish va 
bolalarini o‘qitish imkoniyati, qimmatli qog‘ozlar va zebu ziynatlar kiradi. 
O‘tkazilgan so‘rovlarga ko‘ra, hozirgi paytda mamlakatimiz aholisining 50 
foiziga yaqini o‘zini o‘rta toifaga mansub deb biladi. Holbuki, 2000 yilda atigi 24 
foiz aholi o‘zini shu toifaga mansub deb hisoblagan
3
. 
Bozor iqtisodiyoti aholining yuqori ta’minlangan yoki “boy” qatlami mavjud 
bo‘lishini taqozo qilib, ularga aholining yuqori sifatli tovarlar xarid qilishga 
layoqatli bo‘lgan juda oz qatlami kiradi. AQShda aholi bu qismining shaxsiy 
imkoniyati 8 -10 mln. dollar deb baholanadi. 
O‘zbekistonda amalga oshirilayotgan islohatlar muvaffoqiyati, aholi turmush 
darajasi va hayot sifatini oshrish bo‘yicha erishilgan yutuqlar etakchi xalqaro 
tashkilot hamda ekspertlar tomonidan xolisona baholangan. 2012 yilda Buyuk 
Britaniyaning xalqaro miqyosda tan olingan Legatum instituti o‘zining farovonlik 
va rivojlanish indeksida O‘zbekistonni dunyo mamlakatlari orasida 64 o‘ringa 
kiritgani e’tiborga loyiqdir. 
Birinchi Prezidentimiz I.A. Karimov qayd qilganidek ijtimoiy farovonlik, 
jumladan, umr ko‘rish davomiyligi, oilalarning tinchligi va osoyishtaligi, ishsizlik 
darjasining pastligi, ijtimoiy infratuzilmadan foydalanish darjasi bo‘yicha ham 
O‘zbekiston jahon hamjamiyatida havas qilarli o‘rinni egallab turibdi
4
.