ҲАҚИҚий тиббиёт (Йўқотилган шифо изидан) Нашрга тайёрлаган: Хадича Мисга Нашриёт

Уйда ачитилган табиий қатиқ

Бодринг билан ейилган қатиқ иссиқни туширади. Пиёз ҳам қўшилса, юқумли (инфекцион) касалликларга фойдали.
Қайнатилган қатиқ ич кетиши, ҳатто қонли ич кетишини (диареяни) тўхтатади. Аммо қатиқ қаймоғи олиниб, қайнатилиши керак.
Ёғли қатиқ янги куйган жойларга, хусусан, қуёшда куйган жойларга сурилса, оғриқларни тўхтатади ва қисқа пайт ичида тузалишини таъминлайди.
Қатиқ суви қонни тозалайди, жигар ва талоқдаги тиқилишларни очади, буйрак тошларини эритади ва сариқ касалига фойдали.
Бундан ташқари, қатиқ суви билан яра боғланса, яралар тозаланади ва ёпилади; сепкилларга сурилса, уларни кетказади. Учуққа сурилса, тезда яхши қилади.
Оч қоринга қатиқ суви ичиш газни кетказади, ичаклардаги табиий микробларнинг яшашига кўмаклашади.
Жуда ориқ бўлганлар учун кунни қатиқ суви билан бошлаш, қонни тозалайди, иссиқ сафрони совутади ва камайтиради. Ичаклар ва талоққа дам бериб, ҳазмни осонлаштиради ва семиришга ёрдам беради.
Соч қатиқ суви билан ювилса, ялтирайди ва тез ўсади.

Пишлоқ

Пишлоқ сут суви (яъни қатиқдаги яшил сув) ажратилишидан олинади. Пишлоқ сут махсулотлари ичида ҳазми оғир бўлганидир. Пишлоқнинг ҳазмини осонлаштириш ва йўқотилган яшил сув ўрнини тўлдириш учун пишлоққа помидор, салат ва кўкатлар аралаштириш керак.
Янги сабзавотлар енгил сувли бўлганлари учун пишлоқнинг ҳазмига ёрдам беради. Қадимги хакимлар: “Пишлоқнинг ўзини ейиш касаллик келтиради, лекин ёнғоқ билан бирга ейилса, шифо бўлади”, дейишган.
Бузилмаган пишлоқнинг, яъни сақловчи модда қўшилган пишлоқнинг ҳазми кўп туриб қолган сутнинг ҳазмига ўхшайди. Пишлоқни кўп ейиш баданда туз йиғилиши, буйрак ва қовуқда тош йиғилишига, томирларда тиқилишлар ва суяк юмшашини келтириб чиқаради.
Энг яхши пишлоқ - қўй ва эчки сутидан қилинган пишлоқ, бринза ва оқ пишлоқлардир. Энг оғири - ёш қўй сутидан қилинган пишлоқ ва кремли пишлоқдир.
Туркиянинг баъзи жойларида халқ пишлоқни моғорлатиб (сақлаб қўйиб) ейди. Моғорланган пишлоқни ейиш одати бўлмаган баъзи кишилар ҳам бундай пишлоқни яхши кўради. Хусусан, қон гуруҳи «0” бўлиб, пишлоқни ҳазм қилишда қийналганлар, моғорланган пишлоқни севадилар, чунки ундаги микроблар ҳазм жараёнини осонлаштиради.