Alisher Navoiy 1 library ziyonet uz

Farhod va Shirin (I- qism) 
Alisher Navoiy 
 
37 
library.ziyonet.uz/ 
 
Bor erdi ollida farxunda dastur,  
Mamolik ra’yidin obodu ma’mur.  
Topib oroyish andin mulku ziynat,  
Tutub el ichra Mulkorogʻa shuhrat.  
Shah etmay mayl anga aytilmayin ish,  
Aning ra’yidin ayru qilmayin ish.  
Hamul Farhodgʻa erdi atobek,  
Koʻrub Farhod xud oni atodek.  
Aning oshufta holidin bu ranjur,  
Nechukkim ganji yagʻmo torsa ganjur.  
Shah ul fikr aylagach, eldin nihoni,  
Kirib xilvat aro chorlatti oni.  
Qusuru hur ishin tarh etti borin,  
Taxayyul qilgʻanin sharh etti borin.  
Duo aylab dedi farxunda dastur  
Ki hech ish qolmamish royinggʻa mastur.  
Ravon qilmoq kerak emdi shurui,  
Anga-oʻq ayladi shah ish rujui.  
Chu Mulkoro eshitti, qoʻrti filhol,  
Shahi mulk ollida yer oʻrti filhol.  
Chiqib shoh ollidin oʻlturdi dilxush,  
Boʻlub asbob jam’igʻa raqamkash.  
Ketur, soqiy, manga jomi mayi nob,  
Bu soatkim muhayyo boʻldi asbob  
Ki, gardun yetti qasridur vafosiz,  
Jahonning toʻrt fasli ham baqosiz. 
[XV] 
Mulkoroning toʻrt ravzai Eram
(1)
 monand bila toʻrt qasri falakrayvand imoratin toʻrt ayirib har 
biriga Zuhalvash sarkor va Atorudson me’mor ta’yin qilib rub’i maskundek obodligʻigʻa 
mashgʻul boʻlgʻoni va Farhodning ish tamoshosigʻa kelib, ahli hunar san’atini tamosho qilib, 
Qorani
(2)
 sangtarosh ishiga yetishgach gʻarobatidin fahmi teshasi ul ish idpoki xorasidin kund 
boʻlub, quyosh magʻrib togʻigʻa mayl etgondek, aning xorosi ustiga tushub, metin tilidin soʻz 
surub, xoro sadosidin javob topib, ul ish mayli mumdek koʻngliga «Kan-naqshi fil-hajar»
(3)
 
boʻlgʻoni 
Muhayyo aylagan bu korxona,  
Bu yangligʻ surdi vaz’idin fasona  
Ki chun shah qildi Mulkoroni ma’mur  
Binolar mulkdin qilmoqda ma’mur.  
Oʻzi otlandi davlat birla xushhol,  
Tushub davlat kibi ollinda iqbol.  
Rikobida hakim erdi adadsiz,  
Muhandisshevalar ollinda hadsiz.  
Kezib Chin davrida shodu qadahkash,  
Aningdek toʻrt mavzi’ qildilar xush.  
Ki har bir koʻrguzub jannat fazosi,  
Fazosidek suvi birla havosi.  
Kelib bir faslgʻa har bir muvofiq,  
Boʻlub shahzoda oromigʻa loyiq.  
Topib devor arkonini avval,  

---