Aloqa tugunlari

Ikkinchi bo‘lim nazorat savollari 
1. Aloqa tugunlarida navbatchilik. 
2. AT navbatchi smenasi tarkibi. 
3. ATda shaxsiy tarkibni mustaqil ravishda navbatchilikni olib borishga tayyorlash va 
ruxsat berish. 
4. Navbatchi smena shaxslariga yo‘riqnoma berish va navbatchilikka tushish tartibi 
5. ATda navbatchilikni olib borish 
6. Navbatchilikni tekshirish. 

---

26 
III. ALOQA TUGUNLARIDA JAVOBGAR SHAXSLARNING MAJBURIYATLARI 
3.1. Aloqa tuguni navbatchi smenasi shaxslarining axborotning o‘z vaqtida o‘tishini 
ta’minlash bo‘yicha majburiyatlari 
ATBN quyidagilarga majbur: 
– barcha turdagi axborotlarning belgilangan nazorat muddatlarida o‘tishini ta’minlash 
bo‘yicha AT navbatchi smenasi shaxslarining harakatlarini boshqarishga va belgilangan 
davriylikda nazorat qilib borishga, bunda jangovar boshqaruv signallarining va o‘ta muhim 
axborotlarning o‘tishiga alohida e’tiborni qaratishga; 
– ATEBN va axborotning o‘tishini nazorat qilish bo‘yicha navbatchiga tegishli aloqa 
yo‘nalishlarini tayyorlash (ochish) haqida, o‘ta muhim hujjatli xabarlarni uzatish (qabul 
qilish), so‘zlashuvlarni ta’minlash uchun JPNHRni, aloqa va QABT vositalarini tayyorlash 
haqida o‘z vaqtida ko‘rsatmalar berib borishga; 
– asosiy yo‘nalishlarda aloqa buzilganda hujjatli xabarlarni almashinishni va telefon 
so‘zlashuvlarini taqdim etishni aloqaning aylanib o‘tuvchi yo‘nalishlari orqali 
ta’minlashga; 
– hujjatli xabarlar almashinishi va telefon so‘zlashuvlari soni o‘sishi kutilayotgan 
aloqa yo‘nalishlarida JPNH tarkibini kuchaytirishga; 
– jangovar boshqaruv signallarining, o‘ta muhim axborotlarning o‘tishi ushlanib 
qolishi sabablarini aniqlashtirishga, ularni bartaraf etish bo‘yicha zudlik bilan choralar 
ko‘rishga, bu haqda AT boshlig‘iga va aloqani boshqarish punkti navbatchi ofiseriga 
bildiruv berishga; 
– belgilangan muddatlarda aloqa xizmati ko‘rsatishni to‘xtatish (o‘zgartirish), MTTni 
o‘chirish orqali aloqa, QABT va MTT vositalariga rejalashtirilgan texnik xizmat 
ko‘rsatishni o‘tkazish bo‘yicha farmoyishlar berishga. 
Daladagi (harakatdagi) ATBN ATE boshliqlaridan yoki yaxshiroq tayyorgarlikka ega 
bo‘lgan daladagi AT ofiserlaridan (daladagi ATni yoyayotgan aloqa qismi, bo‘linmasi 
ofiserlaridan) tayinlanadi hamda u AT boshlig‘iga (aloqani boshqarish punkti 
navbatchisiga) bo‘ysunadi.