Aloqa tugunlari

Navbatchi ekspeditor quyidagilarga majbur: 
– kelib tushgan (chiquvchi, kiruvchi) hujjatli axborotlarni tegishli jurnallarda hisobga 
olishga; 
– hujjatli axborotlarni uzatish uchun JPlarga jo‘natishdan oldin oluvchilar bilan aloqa 
holatini aniqlab olishga, va agar aloqa yo‘q bo‘lsa hujjatli axborotni aloqaning aylanib 
o‘tuvchi yo‘nalishlari orqali uzatish bo‘yicha choralar ko‘rishga; 
– qo‘mondonlikka manzillanib qabul qilingan hujjatli axborotlar sifatini sinchiklab 
tekshirishga, ularning kelib tushganligi haqida ATBNga va axborotlarning o‘tishi nazorati 
bo‘yicha navbatchiga bildiruv berishga; 
– hujjatli axborotlarning belgilangan o‘tish muddatlarini bilishga va bajarilishini 
ta’minlashga; 
– choparlarning ishini nazorat qilishga hamda hujjatli axborotlarning oluvchilarga va 
ATning tegishli JPlariga o‘z vaqtida yetkazilishini nazorat qilishga; 
– o‘ta muhim hujjatli axborotlarni aloqa kanallari orqali uzatishdagi va oluvchilarga 
topshirishdagi barcha ushlanishlar haqida axborotlarning o‘tishi nazorati bo‘yicha 
navbatchiga, ATBNga va JP NHR boshlig‘iga bildiruv berishga. 
Telegraf markazi (stansiyasi), qabul qilish radiomarkazi, jangovar boshqaruv 
signallarini qabul qilish (uzatish) jangovar posti NHR quyidagilarga majbur: 
a) jangovar boshqaruv signallarini uzatishda: 
– komanda (buyruq) olgandan so‘ng aloqa vositalarini yoqishga va ularning 
shayligini nazorat qilishga; 

---

29 
– signalning blankini olishga, to‘g‘ri rasmiylashtirilganligini tekshirishga, 
belgilangan qoidalar bo‘yicha uzatishga kirishishga; 
– uzatish tugagach navbatchi hisob boshlig‘iga bildiruv berishga; 
– uzatilgan signal qabul qilinganligi haqida tasdiq olishga (agrda bu ko‘zda tutilgan 
bo‘lsa); 
– signalning blankiga tegishli belgilarni qo‘yishga va uni navbatchi hisob boshlig‘iga 
berishga; 
– uzatilgan signalning vaqtini va matnini navbatchilikni olib borish jurnaliga (apparat 
jurnaliga yoki texnik jurnalga) yozib qo‘yishga. 
b) jangovar boshqaruv signalini qabul qilishda: 
– signalni to‘g‘ri qabul qilishga va uni blankka aniq qilib yozishga; 
– signalni olganligiga tasdiq berishga (agar ko‘zda tutilgan bo‘lsa);zudlik bilan qabul 
qilingan signalning mazmunini aloqa vositalari orqali boshqaruv punkti tezkor 
navbatchisiga (keyinchalik signal matnini imzo ostida topshirib) yetkazishga, ATBNga va 
JP NHR boshlig‘iga bildiruv berishga; 
– navbatchilikni olib borish jurnaliga (apparat jurnaliga yoki texnik jurnalga) qabul 
qilingan signalning vaqtini va matnini yozib qo‘yishga (jangovar boshqaruv signali qabul 
qilingan (uzatilgan) va topshirilgan vaqtlari soat, daqiqa va soniyalarda qayd etiladi). 
Jangovar boshqaruv signallari hyech qanday navbatsiz, boshqa har qanday 
axborotlarni uzatishni (qabul qilishni) to‘xtatib qo‘yib qabul qilinadi. 
a) o‘ta muhim axborotni uzatish(qabul qilish)da: 
– hujjatli axborotni belgilangan tezlikda va to‘g‘ri uzatish (qabul qilish) lozim; 
– uzatilgan hujjatli axborotni muxbirlar qabul qilganligi haqida tasdiq olinadi (qabul 
qilingan hujjatli axborotga tasdiq beriladi); 
– uzatilgan (qabul qilingan) hujjatli axborot rasmiylashtiriladi; 
– zudlik bilan smena (navbatchi hisob) boshlig‘iga hujjatli axborot olinganligi haqida 
bildiruv beriladi; 
– hujjatli axborotni uzatishdagi (qabul qilishdagi) ushlanishlar haqida JP NH 
Boshlig‘iga va axborotlarning o‘tishi nazorati bo‘yicha navbatchiga bildiruv beriladi.