Anatomiya 2014. indd

 
Qorin fassiyalari. Qorinning yuza fassiyasi teri osti yog‘ to‘qi-
masi bilan qorin mushaklari orasida joylashgan.
Qorinning xususiy fassiyasi
qorin devori mushak qavatlariga 
mos ravishda birnecha qatlamdan iborat. Uning yuza qatlami qo-
rinning tashqi qiyshiq mushagini tashqi tomondan o‘raydi. Xu-
susiy fassiyaning ikki qatlami qorinning ichki qiyshiq mushagini 
old va orqa tomondan o‘rab turadi.
Ko‘ndalang fassiya
 qorinning yon va oldingi devorini ichki to-
mondan qoplaydi.
Qorin to‘g‘ri mushagining qini (vagina m. recti abdominis) 
(86- rasm) qorinning uchta serbar mushaklari aponevrozidan ho-
sil bo‘ladi. Ular qorin to‘g‘ri mushagini old
va orqa yuzasidan 
o‘rab oladi. Uning old va orqa devorining tuzilishi yuqori va 
past ki qismlarda bir xil bo‘lmay, kindikdan yuqorida qorin tashqi 
qiyshiq mushagining aponevrozi to‘g‘ri mushakning old tomo-
nidan o‘tsa, ko‘ndalang mushakning aponevrozi orqa tomondan 
o‘tadi. Qorin ichki qiyshiq mushagining aponevrozi to‘g‘ri mu-
shakning tashqi chekkasida ikki varaqqa bo‘linadi. Uning bitta si 
to‘g‘ri mushakning old tomonidan o‘tib, tashqi qiyshiq mushak 
aponevrozi bilan birikib, oldingi plastinkani, ikkinchisi esa orqa 
tomondan o‘tib, ko‘ndalang mu shakning aponevrozi bilan birikib 
orqa plastinkani hosil qiladi. Kindikdan 4–5 sm pastroqda qorin-
86-rasm. Qorin to‘g‘ri mushagi qinining hosil bo‘lishi chizmasi:
A–kindikdan yuqorida. B–kindikdan pastda.
1–qorinning tashqi qiyshiq mushagi; 2–qorinning ichki qiyshiq mushagi;
3–qorinning to‘g‘ri mushagi; 4–qorinning ko‘ndalang fassiyasi;
5–qorinning ko‘ndalang mushagi.

---

160
ning barcha serbar mushaklarining aponevrozlari to‘g‘ri mushak-
ning old tomonidan o‘tib, qinning oldingi devorini hosil qiladi. 
Qorin to‘g‘ri mushagini orqa tomonidan bu sohada faqat ko‘nda-
lang fassiya qoplaydi.