Aniqlash usullari

6.4.1. RAA-01M asbobi bilan RSKsini aniqlash
Namuna suvlarini tayyorlashda hajmi 0,5-1,5 l li, toza shisha eki polietilen idishlardan foydalanish maqsadga muvofiqdir. Idishlar namuna suvlariga butunlay cho‘ktirilgan holda to‘ldiriladi va havo bo‘shlig‘i qoldirilmasdan zich yopiladi. Agar suvga cho‘ktirish iloji bo‘lmasa elastik suv naychalari yordamida to‘ldiriladi va zich yopiladi. Idishning o‘ziga va qayd qilish daftariga kerakli ma’lumotlar, ya’ni suv olingan vaqti, joyi, kim tomonidan olingani yozib boriladi. Namuna suvlarini olishda (quyishda), elastik naychalar ehtiyotkorlik bilan idish o‘rtasiga tushirilib, o‘lchov idishlariga keraklicha quyiladi.

Amalda radon gazi suvda yaxshi eriydi va undan oson xalos bo‘lish ham mumkin. Masalan, suvni qaynatish jarayonida radon gazi havo pufaklari bilan havoga chiqib ketadi. Agar idishdagi suv bir necha minut yaxshilab chayqatilsa radon gazi to‘liq tashqariga chiqib ketadi. YAna bir usuli, idishdagi suv ichiga naycha (shisha, polimer yoki metall naycha) o‘rnatilib, unga havo nasosi bilan ma’lum vaqt havo haydalsa, suvdagi radon to‘liq tashqi havoga chiqib ketadi. Atmosferadagi havoni suv ichiga haydab, undagi radon gazini havo bilan haydab chiqarish barboter usuli deyiladi.

RAA-01M-03 (qisqacha - RAA) asbobining ish prinsipiga ko‘ra, kamerada hosil bo‘lgan ²¹⁶Ro va ²¹⁸Ro musbat ionlar (²²⁰Rn va ²²²Rn hosilalari) elektr maydoni ta’sirida Si detektori yuzasiga o‘tiradi va α-zarralari qayd qilinadi (5.2.2-§). 6.10-rasmda RAA


6.10-rasm. RAA o‘lchagichi yordamida RSKsini aniqlash