Ҳарбий эпидемиология

Қўшинларни бактериологик қуролдан ҳимоя қилиш юзасидан чора-
тадбирлар мажмуаси 
Қўшинларни бактериологик қурол таъсиридан ҳимоя қилиш, қўшинларни 
оммавий қирғин қуролларидан ҳимоя қилиш тизимининг бир қисми 
ҳисобланади. Шунинг учун ҳам қўшинларни бактериологик қуролдан ҳимоя 
қилиш чора-тадбирлари қўшинларни оммавий қирғин қуролларидан ҳимоя 
қилиш бўйича қабул қилинган чора-тадбирларга ўхшаб кетади. Шунга мос 
равишда чора-тадбирлар 3 та гуруҳга ажратилади ва қуйидагича ўтказилади:
1. Душман томонидан бактериологик қурол қўлланилиши хавфи тахмин 
қилинаётган вақтда: 
2. Бактериологик қурол қўлланилган вақтда; 
3. Бактериологик қуролни қўллаш натижасида юзага келган оқибатларни 
бартараф қилиш чоғида. 

---

53 
Чора-тадбирларнинг мазмунига кўра қўшинларни бактериологик 
қуролдан ҳимоя қилиш чораларини оператив-тактик ва махсус турларга бўлиш 
мумкин. Махсус чора-тадбирлар комплекси таркибида тиббий чора-тадбирлар 
муҳим аҳамиятга эга.
Бактериологик қуролнинг ўзига хос хусусияти яна шу ҳолатда ҳам 
кўринадики, кўпгина оператив-тактик ва махсус тиббий бўлмаган чора-
тадбирларни баҳолаш ҳам тиббий аралашувни талаб этади. Қўшинларни 
бактериологик қуролдан ҳимоя қилиш юзасидан тиббий чора-тадбирларнинг 
мазмуни қўшинларни эпидемияга қарши ҳимоя қилиш чора-тадбирларидан 
келиб чиқади.
Тиббий хизмат ходимлари ишини талаб қилувчи бактериологик қуролга 
қарши ўтказиладиган тиббий ва тиббий бўлмаган хизмат чора-тадбирларининг 
асосий гуруҳлари қуйидагилар ҳисобланади:
1. Биологик (бактериологик) кузатув (разведка) 
2. Шахсий ва коллектив ҳимоя қилиш воситаларини қўллаш 
3. Тартибли чегараловчи чора-тадбирлар 
4. Эмлаш ва тезкор профилактика 
5. Зарарсизлантириш 
6. Даволаш-эвакуацион чора-тадбирлар 
Бактериологик зарарланиш ўчоқларида шахсий ва коллектив ҳимоя